Global harorat rekordlarni yangilamoqda — BMT
© Sputnik / Aleksey MayshevLyudi perexodat Bolshuyu Dorogomilovskuyu ulitsu v Moskve.
![Lyudi perexodat Bolshuyu Dorogomilovskuyu ulitsu v Moskve. Lyudi perexodat Bolshuyu Dorogomilovskuyu ulitsu v Moskve. - Sputnik O‘zbekiston, 1920, 26.07.2024](https://cdn1.img.sputniknews.uz/img/07e7/08/02/37512807_0:321:3071:2048_1920x0_80_0_0_e79951b6112a67c003198aff85146d7e.jpg)
© Sputnik / Aleksey Mayshev
Obuna bo‘lish
BMT Jahon meteorologiya tashkiloti taxminlariga ko‘ra, kelgusi besh yil ichida global harorat rekord darajaga yetishi mumkin.
TOShKENT, 26-iyul — Sputnik. So‘nggi kunlarda o‘rtacha kunlik global harorat rekordlarni yangilamoqda, milliardlab odamlar ekstremal issiqlik “epidemiyasi” bilan to‘qnash kelmoqda, deydi BMT bosh kotibi Antoniu Guterrish.
“Bu misli ko‘rilmagan issiqlik haftasi bo‘ldi. Avval, Yevropa Ittifoqining iqlim o‘zgarishi bo‘yicha "Copernicus" xizmati 21-iyul, yakshanbani kuzatishlar tarixidagi eng issiq kun deb e’lon qildi. Keyin, 22-iyul, dushanba kuni simob yanada ko‘tarildi. Hozir esa biz dastlabki ma’lumotlarni oldik. Bu 23-iyul, seshanba kuni ham xuddi shunday diapazonda bo‘lganini ko‘rsatib turibdi. Boshqacha aytganda, o‘tgan yakshanba, dushanba va seshanba kunlari kuzatishlar tarixidagi eng issiq uch kun bo‘lgan”, — dedi Guterrish matbuot anjumanida.
Uning so‘zlariga ko‘ra, dunyoni ajratuvchi bir narsa bor bo‘lsa, bu Yer aholisining issiqlikni tobora ko‘proq his qilayotganidir.
“Yer tobora isib bormoqda va barcha uchun xavfli bo‘lib bormoqda. Milliardlab odamlar ekstremal issiqlik epidemiyasiga duch kelmoqda”, - deya qo‘shimcha qildi Guterrish.
BMT Jahon meteorologiya tashkiloti taxminlariga ko‘ra, kelgusi besh yil ichida global harorat rekord darajaga yetishi mumkin.