Laziz Kudratov Kavkaz investitsiya forumida qanday masalalarni ilgari surdi?
© Ministerstvo investitsiy, promishlennosti i torgovliLaziz Kudratov prinyal uchastie v rabote proshedshego v g.Grozniy I-go Kavkazskogo investitsionnogo foruma
![Laziz Kudratov prinyal uchastie v rabote proshedshego v g.Grozniy I-go Kavkazskogo investitsionnogo foruma Laziz Kudratov prinyal uchastie v rabote proshedshego v g.Grozniy I-go Kavkazskogo investitsionnogo foruma - Sputnik O‘zbekiston, 1920, 16.07.2024](https://cdn1.img.sputniknews.uz/img/07e8/07/10/44818682_0:351:1082:960_1920x0_80_0_0_03d745aed0c90005958de4afafa82781.jpg)
© Ministerstvo investitsiy, promishlennosti i torgovli
Obuna bo‘lish
Forum Grozniy shahrida bo‘lib o‘tdi.
TOShKENT, 16-iyul — Sputnik. Kecha, 15-iyul kuni, O‘zbekiston hukumat delegatsiyasining Checheniston Respublikasiga tashrifi doirasida investitsiyalar, sanoat va savdo vaziri Laziz Kudratov 1-Kavkaz investitsiya forumida ishtirok etdi. Bu haqda vazirlik matbuot xizmati xabar berdi.
Laziz Kudratov “Katta Kavkaz: dengizdan dengizgacha” deb nomlangan plenar sessiyasida ma’ruzachi sifatida so‘zga chiqdi. U ikki davlat rahbarlari tomonidan o‘zaro savdo hajmini 30 milliard dollarga yetkazish bo‘yicha qo‘yilgan vazifani bajarish uchun O‘zbekiston va Rossiya o‘rtasidagi hududlararo hamkorlikni rivojlantirish muhimligini ta’kidladi.
Oxirgi 7-yilda O‘zbekistonning Rossiya bilan tovar ayirboshlash hajmi 2,5 barobar o‘sdi va 2023-yil yakuniga ko‘ra qariyb 10 milliard dollarga yetdi.
© Ministerstvo investitsiy, promishlennosti i torgovliLaziz Kudratov prinyal uchastie v rabote proshedshego v g.Grozniy I-go Kavkazskogo investitsionnogo foruma
![Laziz Kudratov prinyal uchastie v rabote proshedshego v g.Grozniy I-go Kavkazskogo investitsionnogo foruma Laziz Kudratov prinyal uchastie v rabote proshedshego v g.Grozniy I-go Kavkazskogo investitsionnogo foruma - Sputnik O‘zbekiston, 1920, 16.07.2024](https://cdn1.img.sputniknews.uz/img/07e8/07/10/44818704_0:0:1280:960_1920x0_80_0_0_191d1e8555a5380367a1a8a63132c7e7.jpg)
Laziz Kudratov prinyal uchastie v rabote proshedshego v g.Grozniy I-go Kavkazskogo investitsionnogo foruma
© Ministerstvo investitsiy, promishlennosti i torgovli
Munosabatlarni rivojlantirishning ustuvor yo‘nalishlari qatorida sanoat kooperatsiyasini chuqurlashtirish uchun yangi qo‘shma sanoat zonalarini tashkil etish, qo‘shma moliyalashtirish vositalarini shakllantirish, turizmni rivojlantirish, qishloq xo‘jaligi va madaniy-gumanitar sohalardagi hamkorlikni kengaytirish ham belgilandi.
O‘zbekiston-Rossiya keng qamrovli strategik sheriklik va ittifoqchilik ruhida ushbu hududlararo hamkorlik platformasi imkoniyatlarini yanada oshirish bo‘yicha kompleks chora-tadbirlarni ko‘rishi muhimligi ta’kidlandi.
Vazir Rossiya hududlari va Rossiya biznesi vakillarini O‘zbekistonda yaratilgan imkoniyatlardan unumli foydalanib o‘zaro manfaatli yangi loyiha va tashabbuslarni muvaffaqiyatli amalga oshirishga chaqirdi.