Mirziyoyev “Xitoy–Qirg‘iziston–O‘zbekiston” temir yo‘li bitimi ishtirokchilariga tabrik yo‘lladi

© Press-slujba prezidenta UzbekistanaLokomotiv na jeleznodorojnom mostu cherez reku Amudarya v Karakalpakstane.
Lokomotiv na jeleznodorojnom mostu cherez reku Amudarya v Karakalpakstane. - Sputnik O‘zbekiston, 1920, 07.06.2024
Obuna bo‘lish
Mirziyoyev ushbu muhim infratuzilma loyihasini amalga oshirish boshlanayotgani keng mintaqada iqtisodiy va transport jihatidan bog‘liqlikni kuchaytirishga qaratilgan tarixiy voqea ekanligini alohida ta’kidladi.
TOShKENT, 7-iyun — Sputnik. Pekinda 6-iyun kuni uch davlat transport vazirlari “Xitoy-Qirg‘iziston-O‘zbekiston” temir yo‘li loyihasini birgalikda ilgari surish bo‘yicha hamkorlik bitimni imzolash marosimi bo‘lib o‘tdi.
Shavkat Mirziyoyev ushbu tadbir ishtirokchilariga videomurojaat yo‘lladi, deya xabar berdi prezident matbuot xizmati.
Mirziyoyev ushbu muhim infratuzilma loyihasini amalga oshirish boshlanayotgani keng mintaqada iqtisodiy va transport jihatidan bog‘liqlikni kuchaytirishga qaratilgan tarixiy voqea ekanligini alohida ta’kidladi.
“Mazkur temir yo‘l Xitoyni mintaqamiz bilan bog‘lovchi eng qisqa quruqlik yo‘liga aylanadi. Kelgusida ushbu yo‘l bizning mamlakatlarimizga istiqbolli Transafg‘on yo‘lagi orqali Janubiy Osiyo va Yaqin Sharq davlatlarining keng bozorlariga chiqish imkonini beradi”, – dedi prezident.
Loyihaning amalga oshirilishi oqibatida vujudga keladigan iqtisodiy samara yangi korxonalar va o‘n minglab ish o‘rinlari yaratilishi, o‘zaro savdo hajmi karrasiga oshishi, sanoat kooperatsiyasi kengayishi, investitsiyaviy jozibadorlik o‘sishi va eng muhimi – aholi turmush darajasi oshishida namoyon bo‘ladi.
Bitimga muvofiq, “Xitoy – Qirg‘iziston – O‘zbekiston” temir yo‘li Qashg‘ar – Torugart – Makmal – Jalolobod – Andijon yo‘nalishi bo‘ylab o‘tadi.
Mutaxassislarning qayd etishicha, yuk tashish yillik hajmi 15 million tonnagacha yetishi mumkin, tovarlarni yakuniy iste’molchilarga yetkazish muddati esa 7 kunga qisqaradi. Bundan tashqari, zamonaviy tranzit va logistika infratuzilmasi, omborxonalar va terminallar yaratiladi.
Podpisanie soglasheniya po stroitelstvu j/d Kitay — Kirgizstan — Uzbekistan - Sputnik O‘zbekiston, 1920, 06.06.2024
O‘zbekiston, Xitoy va Qirg‘iziston o‘rtasida temir yo‘l qurilishi bo‘yicha shartnoma imzolandi
Yangiliklar lentasi
0