O‘zbekiston Rim konvensiyasiga qo‘shildi
13:06 07.06.2024 (yangilandi: 13:25 07.06.2024)
© Depositphotos.com / BelchonockMolodaya devushka u mikrofona
![Molodaya devushka u mikrofona Molodaya devushka u mikrofona - Sputnik O‘zbekiston, 1920, 07.06.2024](https://cdn1.img.sputniknews.uz/img/07e6/09/13/28363460_0:160:3073:1888_1920x0_80_0_0_83640239b8cb0c98c21d5a496015b07b.jpg)
© Depositphotos.com / Belchonock
Obuna bo‘lish
Rim konvensiyasi ijrochilar, fonogramma ishlab chiqaruvchilari va radioeshittiruvchi tashkilotlarining turdosh huquqlarini himoya qilishga qaratilgan.
TOShKENT, 7-iyun — Sputnik. O‘zbekiston mediamahsulotlar yaratuvchilari huquqlarini himoya qilish bo‘yicha 1961-yilgi Xalqaro konvensiyaga qo‘shildi. Bu haqida prezident 6-iyun kuni imzolagan 930-sonli qonunda aytib o‘tilgan.
Konvensiyaga qo‘shilish intellektual mulk huquqlarini himoya qilishning ilg‘or xalqaro standartlarini joriy etishga, shuningdek, O‘zbekiston nufuzini oshirishga xizmat qiladi.
O‘zbekiston ushbu konvensiyaga ikkita shart bilan qo‘shilgan:
1. O‘zbekiston radioeshittirish tashkilotining bosh qarorgohi boshqa Ahdlashuvchi davlatda joylashgan bo‘lsa va uzatish shu davlatda joylashgan uzatuvchi orqali amalga oshirilsagina, radioeshittirishni himoya qiladi (Konvensiyaning 2 bandiga oid);
1. O‘zbekiston radioeshittirish tashkilotining bosh qarorgohi boshqa Ahdlashuvchi davlatda joylashgan bo‘lsa va uzatish shu davlatda joylashgan uzatuvchi orqali amalga oshirilsagina, radioeshittirishni himoya qiladi (Konvensiyaning 2 bandiga oid);
2. O‘zbekiston ishlab chiqaruvchisi boshqa Ahdlashuvchi davlatning milliy yoki yuridik shaxsi bo‘lmagan fonogrammalarga nisbatan 12-moddani qo‘llamaydi. (Konvensiyaning 16 bandiga oid);
Yangi qonun 2024-yil 6-iyundan kuchga kirdi.