https://oz.sputniknews.uz/20231019/sergelidagi-ombor-nima-sababdan-portlagan-40154885.html
Sergelidagi ombor nima sababdan portlagani ma’lum qilindi — qamoqqa olinganlar bor
Sergelidagi ombor nima sababdan portlagani ma’lum qilindi — qamoqqa olinganlar bor
Sputnik O‘zbekiston
Jinoyat ishi bo‘yicha 4 nafar shaxsga nisbatan “qamoqqa olish”, 1 nafariga nisbatan “garov” ehtiyot chorasi qo‘llanildi.
2023-10-19T23:57+0500
2023-10-19T23:57+0500
2023-10-20T11:30+0500
toshkentdagi omborda kuchli portlash
jamiyat
o‘zbekiston
toshkent
sergeli tumani
portlash
https://cdn1.img.sputniknews.uz/img/07e7/09/1d/39435297_0:93:1280:813_1920x0_80_0_0_6994d6801e05585a6ca4342157a38477.jpg
TOShKENT, 19 okt — Sputnik. Toshkent shahri Sergeli tumanidagi yong‘in sodir bo‘lgan omborxonada katta miqdorda kimoviy moddalar, qurilish va boshqa mahsulotlar belgilangan talablarga rioya qilinmasdan aralash holda saqlab kelingan. Bu haqda Hukumat komissiyasining axborotida ma’lum qilindi.Hukumat komissiyasining Toshkent shahridagi omborxonada sodir bo‘lgan favqulodda vaziyat sabablarini o‘rganish, ko‘rilgan talofatlarni bartaraf etish hamda jabrlanganlarga yordam ko‘rsatish bo‘yicha axboroti e’lon qilindi.Qayd etilishicha, 28-sentabr kuni Sergeli tumanida joylashgan “Interlogistics” MChJ hududidagi omborxonada sodir bo‘lgan yong‘in va portlash oqibatida umumiy jabrlanganlar soni 163 nafarni tashkil etdi. Ularning 150 nafari yengil va 13 nafari og‘ir tan jarohati olgan. Bir nafar voyaga yetmagan fuqaro olgan og‘ir tan jarohatlari natijasida vafot etgan.Jarohat olganlarning 24 nafari shifoxonaga yotqizilib, ularga tegishli tibbiy va psixologik yordam ko‘rsatilgan. Qolgan 138 nafari ambulator davolanishga yuborilgan. Hozirda jarohatlangan barcha fuqarolarning salomatligi tiklanib, uyiga ruhsat berilgan.Aholining muammolarini tezkor bartaraf etish maqsadida “1205” qisqa raqamli “Call-center” tashkil etildi. Markazga 450 dan ortiq murojaat kelib tushgan va barchasi ijobiy hal qilingan.400 ta ehtiyojmand oilalarga oziq-ovqat mahsulotlari yetkazildi hamda ularning 100 nafar voyaga yetmagan farzandlariga moddiy yordam ko‘rsatildi.Favqulodda vaziyat natijasida hududdagi 305-son umumta’lim maktabi (1250 o‘rinli) va 600-son bog‘chaning (720 o‘rinli) deraza-romlari, eshik va fasad qismiga zarar yetgan.Hozirda ushbu obyektlarga pudrat tashkiloti biriktirilib, qurilish-ta’mirlash ishlari olib borilmoqda.Qayd etilishicha, Kompleks sud ekspertiza, tergov va sud jarayonlari yakunlangach, aniqlangan zarar miqdori aybdor deb topilgan javobgardan qonunchilikda belgilangan tartibda to‘liq undirib olinadi.Favqulodda vaziyat sabablarini o‘rganish jarayonida yong‘in boshlangan joy va portlash o‘chog‘i metall va “sendvich” panellardan qurilgan omborda yuz berganligi aniqlandi. Yong‘in va portlash oqibatida omborning metall konstruksiyalari deformatsiyaga uchrab, qulab tushgan.Hodisa joyidan olingan namunalar asosida o‘tkazilgan kimoviy tadqiqotlar natijasida poliefirlar, ksilol, uglevodorodlar, natriy gidroksid, vodorod peroksidi, etilen glikol va yuqori molekulyar karbon kislota efirlari kabi kimoviy moddalar mavjudligi aniqlandi.Bu moddalar omborxonada saqlanayotgan vodorod peroksidi, alkid smolasi, alkilbenzolsulfon kislotasi, latex, poliefir smolasi, kaustik soda moddalari va lak mahsulotlarining tarkibiy qismlari bo‘lib, yong‘in va portlash xavfi yuqori hisoblanadi.Hodisa joyi o‘rganilganda aynan vodorod peroksidi saqlangan joy yaqinida gul qog‘ozlar va boshqa yonuvchi materiallar saqlangani aniqlandi.Holat yuzasidan Ichki ishlar vazirligi Tergov departamenti tomonidan Jinoyat kodeksining 259-moddasi 2-qismi “a” va “b” bandlari bilan jinoyat ishi qo‘zg‘atilgan.Hodisa sodir bo‘lgan omborxona hududida 12 ta ijarachi kompaniyaning katta miqdordagi turli xil nomenklaturadagi tovarlari saqlanganligi hamda jinoyat ishi doirasida mutaxassislar tomonidan bir nechta turdagi ekspertiza tadqiqotlari (sudga oid kimoviy, yong‘in-texnik, portlash, tovarshunoslik, qurilish va x.k.) o‘tkazilayotganligi uchun yong‘in va portlash sabablari, shuningdek yetkazilgan zarar miqdori bo‘yicha yakuniy xulosaga kelish muayan vaqtni talab etmoqda.Bu kabi noxush holatlarni oldini olish maqsadida mutasaddi vazirlik va idoralar tomonidan joylarda ishlab chiqarish korxonalari va omborlarda saqlanayotgan kimoviy moddalar, tez yonuvchan va portlash xavfi yuqori bo‘lgan mahsulotlar xatlovdan o‘tkazilmoqda.Dastlabki o‘rganish natijalaridan kelib chiqib, manfaatdor davlat organlari va tashkilotlar tomonidan kelgusida shu kabi favqulodda vaziyatlarning oldini olishga qaratilgan kompleks chora-tadbirlar rejasi ishlab chiqilmoqda.Holat yuzasidan kompleks sud ekspertiza xulosalari va tergov natijalariga ko‘ra yakuniy xulosa qilinadi.
o‘zbekiston
sergeli tumani
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2023
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
hukumat komissiyasi toshkent shahridagi omborxonada sodir bo‘lgan favqulodda vaziyat sergeli portlash
hukumat komissiyasi toshkent shahridagi omborxonada sodir bo‘lgan favqulodda vaziyat sergeli portlash
Sergelidagi ombor nima sababdan portlagani ma’lum qilindi — qamoqqa olinganlar bor
23:57 19.10.2023 (yangilandi: 11:30 20.10.2023) Jinoyat ishi bo‘yicha 4 nafar shaxsga nisbatan “qamoqqa olish”, 1 nafariga nisbatan “garov” ehtiyot chorasi qo‘llanildi.
TOShKENT, 19 okt — Sputnik. Toshkent shahri Sergeli tumanidagi yong‘in sodir bo‘lgan omborxonada katta miqdorda kimoviy moddalar, qurilish va boshqa mahsulotlar belgilangan talablarga rioya qilinmasdan aralash holda saqlab kelingan. Bu haqda Hukumat komissiyasining axborotida
ma’lum qilindi. Hukumat komissiyasining Toshkent shahridagi omborxonada sodir bo‘lgan favqulodda vaziyat sabablarini o‘rganish, ko‘rilgan talofatlarni bartaraf etish hamda jabrlanganlarga yordam ko‘rsatish bo‘yicha axboroti e’lon qilindi.
Qayd etilishicha, 28-sentabr kuni Sergeli tumanida joylashgan “Interlogistics” MChJ hududidagi omborxonada sodir bo‘lgan yong‘in va portlash oqibatida umumiy jabrlanganlar soni 163 nafarni tashkil etdi. Ularning 150 nafari yengil va 13 nafari og‘ir tan jarohati olgan. Bir nafar voyaga yetmagan fuqaro olgan og‘ir tan jarohatlari natijasida vafot etgan.
Jarohat olganlarning 24 nafari shifoxonaga yotqizilib, ularga tegishli tibbiy va psixologik yordam ko‘rsatilgan. Qolgan 138 nafari ambulator davolanishga yuborilgan. Hozirda jarohatlangan barcha fuqarolarning salomatligi tiklanib, uyiga ruhsat berilgan.
Aholining muammolarini tezkor bartaraf etish maqsadida “1205” qisqa raqamli “Call-center” tashkil etildi. Markazga 450 dan ortiq murojaat kelib tushgan va barchasi ijobiy hal qilingan.
400 ta ehtiyojmand oilalarga oziq-ovqat mahsulotlari yetkazildi hamda ularning 100 nafar voyaga yetmagan farzandlariga moddiy yordam ko‘rsatildi.
"Favqulodda vaziyat oqibatida 39 ta ko‘p qavatli uylardagi 1370 ta xonadon hamda 246 ta yerli xonadonning fasad, oyna-rom, eshik va tom qismiga ziyon yetkazilgan va umumiy zarar miqdori 14,5 mlrd so‘mni tashkil etmoqda", — deyilgan komissiya axborotida.
Favqulodda vaziyat natijasida hududdagi 305-son umumta’lim maktabi (1250 o‘rinli) va 600-son bog‘chaning (720 o‘rinli) deraza-romlari, eshik va fasad qismiga zarar yetgan.
Hozirda ushbu obyektlarga pudrat tashkiloti biriktirilib, qurilish-ta’mirlash ishlari olib borilmoqda.
Qayd etilishicha, Kompleks sud ekspertiza, tergov va sud jarayonlari yakunlangach, aniqlangan zarar miqdori aybdor deb topilgan javobgardan qonunchilikda belgilangan tartibda to‘liq undirib olinadi.
Favqulodda vaziyat sabablarini o‘rganish jarayonida yong‘in boshlangan joy va portlash o‘chog‘i metall va “sendvich” panellardan qurilgan omborda yuz berganligi aniqlandi. Yong‘in va portlash oqibatida omborning metall konstruksiyalari deformatsiyaga uchrab, qulab tushgan.
"Yong‘in sodir bo‘lgan omborxonada katta miqdorda kimoviy moddalar, qurilish va boshqa mahsulotlar belgilangan talablarga rioya qilinmasdan aralash holda saqlab kelingan", — deyilgan axborotda.
Hodisa joyidan olingan namunalar asosida o‘tkazilgan kimoviy tadqiqotlar natijasida poliefirlar, ksilol, uglevodorodlar, natriy gidroksid, vodorod peroksidi, etilen glikol va yuqori molekulyar karbon kislota efirlari kabi kimoviy moddalar mavjudligi aniqlandi.
Bu moddalar omborxonada saqlanayotgan vodorod peroksidi, alkid smolasi, alkilbenzolsulfon kislotasi, latex, poliefir smolasi, kaustik soda moddalari va lak mahsulotlarining tarkibiy qismlari bo‘lib, yong‘in va portlash xavfi yuqori hisoblanadi.
Hodisa joyi o‘rganilganda aynan vodorod peroksidi saqlangan joy yaqinida gul qog‘ozlar va boshqa yonuvchi materiallar saqlangani aniqlandi.
"O‘rganish natijasiga ko‘ra, omborxonada saqlanayotgan kimoviy modda va materiallarning o‘zaro ta’sirlanishi va kimoviy o‘z-o‘zidan yonishi yuzaga kelib, portlash sodir bo‘lgan", — deyilgan xabarda.
Holat yuzasidan Ichki ishlar vazirligi Tergov departamenti tomonidan Jinoyat kodeksining 259-moddasi 2-qismi “a” va “b” bandlari bilan jinoyat ishi qo‘zg‘atilgan.
"Jinoyat ishi bo‘yicha 4 nafar shaxsga nisbatan “qamoqqa olish”, 1 nafariga nisbatan “garov” ehtiyot chorasi qo‘llanilgan", — deya keltirilgan axborotda.
Hodisa sodir bo‘lgan omborxona hududida 12 ta ijarachi kompaniyaning katta miqdordagi turli xil nomenklaturadagi tovarlari saqlanganligi hamda jinoyat ishi doirasida mutaxassislar tomonidan bir nechta turdagi ekspertiza tadqiqotlari (sudga oid kimoviy, yong‘in-texnik, portlash, tovarshunoslik, qurilish va x.k.) o‘tkazilayotganligi uchun yong‘in va portlash sabablari, shuningdek yetkazilgan zarar miqdori bo‘yicha yakuniy xulosaga kelish muayan vaqtni talab etmoqda.
Bu kabi noxush holatlarni oldini olish maqsadida mutasaddi vazirlik va idoralar tomonidan joylarda ishlab chiqarish korxonalari va omborlarda saqlanayotgan kimoviy moddalar, tez yonuvchan va portlash xavfi yuqori bo‘lgan mahsulotlar xatlovdan o‘tkazilmoqda.
Dastlabki o‘rganish natijalaridan kelib chiqib, manfaatdor davlat organlari va tashkilotlar tomonidan kelgusida shu kabi favqulodda vaziyatlarning oldini olishga qaratilgan kompleks chora-tadbirlar rejasi ishlab chiqilmoqda.
Holat yuzasidan kompleks sud ekspertiza xulosalari va tergov natijalariga ko‘ra yakuniy xulosa qilinadi.
