Onkologiya - Sputnik O‘zbekiston, 1920, 21.01.2022
Bu qiziq
Ushbu ruknimizda ilm-fan, inson sog‘ligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli ma’lumotlar bor.

Bahordagi surunkali charchoq sindromi qandli diabet alomati bo‘lishi mumkin

© Depositphotos.com / XalanxUstavshiy mujchina s noutbukom na golove
Ustavshiy mujchina s noutbukom na golove - Sputnik O‘zbekiston, 1920, 21.03.2023
Obuna bo‘lish
Qayd etilishicha, umumiy holsizlik bir qator infeksion va noinfeksion kasalliklarning ilk belgisi bo‘lishi mumkin.
TOShKENT, 21 mar - Sputnik. Bahor kelib, kunlar isiy boshlashi bilan ko‘pchilikda vitamin yetishmasligi kuzatiladi. Bu esa tanada holsizlik va kuchli charchoq alomatlari bilan namoyon bo‘ladi. Umumiy holsizlik bir qator infeksion va noinfeksion kasalliklarning ilk belgisi bo‘lishi mumkin.

“Bunday belgilar erta bahor fasliga xos bo‘lib, aksariyat insonlarni bezovta qiladi. Biroq ushbu holatni faqat “ilik uzildi” mavsumi bilangina bog‘lash to‘g‘ri emas. Sababi umumiy holsizlik bir qator infeksion va noinfeksion kasalliklarning ilk belgisi bo‘lishi mumkin. Yuqumsiz endokrin (qandli diabetning ikkinchi turi) va xavfli o‘sma xastaliklari, revmatizm, revmatoid artrit, kamqonlik, yurak qon-tomir kasalliklari shular jumlasidan”, — deydi tibbiyot fanlari nomzodi Feruza Tohirova.

Ta’kidlanishicha, bemor hayotiga xavf soladigan qandli diabetning ikkinchi turi (qondagi qand miqdorining oshib ketishi) ko‘pincha 40 va undan katta yoshdagi kishilarda uchraydi. Bunga nasliy moyillik yoki noto‘g‘ri ovqatlanish, semizlik, kamharakatlik, asabiy zo‘riqish kabilar sabab bo‘ladi.
U yashirin kechadi, lekin bosh miya, ko‘z tubi, yurak, buyrak, hamma yirik va mayda arterial qon-tomirlar shikastlanib boradi. Bu patologik jarayon yurak qon-tomir va buyrak yetishmovchiligiga olib keladi.
Qayd etilishicha, surunkali V va S virusli gepatitlar (jigar kasalliklari) esa yuqumli bo‘lib, inyeksiya orqali, qon quyishdan, homilador onadan bolaga yuqishi mumkin. Xastalik yashirin kechgani bilan bemorda kundan-kunga umumiy holsizlik kuchayib boradi.
Mutaxassis surunkali charchash sindromi bezovta qilsa, darhol shifokorga murojaat qilishni maslahat bermoqda.
Yangiliklar lentasi
0