Mirziyoyev va Japarov ikki mamlakat hamkorligini rivojlantirish yo‘nalishlarini muhokama qildi
14:35 27.01.2023 (yangilandi: 14:37 27.01.2023)
Obuna bo‘lish
O‘zbekiston va Qirg‘iziston o‘rtasidagi munosabatlar jadal rivojlanib borayotgani mamnuniyat bilan qayd etildi.
TOShKENT, 27 yanv — Sputnik. O‘zbekiston prezidenti Shavkat Mirziyoyev va Qirg‘iziston prezidenti Sadir Japarov o‘rtasidagi muzokaralar ikki mamlakat rasmiy delegatsiyalari a’zolari, qator vazirlik va viloyatlari rahbarlari ishtirokida kengaytirilgan tarkibda davom ettirildi. Bu haqda prezident matbuot xizmati xabar berdi.
Ta’kidlanishicha, Mirziyoyev Japarov rahbarligida Qirg‘izistonda amalga oshirilayotgan muvaffaqiyatli ijtimoiy-iqtisodiy islohotlar O‘zbekistonni quvontirayotganini alohida ta’kidladi.
Prezident Respubliki Uzbekistan Shavkat Mirziyoyev i Prezident Kirgizskoy Respubliki Sadir Japarov prodoljili peregovori v rasshirennom sostave s uchastiyem chlenov ofitsialnix delegatsiy, rukovoditeley rada ministerstv i oblastey dvux stran.
O‘zbekiston va Qirg‘iziston o‘rtasidagi munosabatlar jadal rivojlanib borayotgani mamnuniyat bilan qayd etildi.
“Tomonlar o‘zaro strategik sheriklikni chuqurlashtirish borasida birgalikda ishlashga qat’iy intilishini bildirdilar. Mamlakatlarimiz o‘rtasida tuzilgan Chegara to‘g‘risidagi shartnoma qardosh xalqlarimiz tomonidan ko‘tarinki ruh bilan qabul qilingani ta’kidlandi”, deyiladi xabarda.
Muzokaralar chog‘ida savdo-iqtisodiy hamkorlikni rivojlantirishga alohida e’tibor qaratildi. O‘tgan yil yakuni bilan o‘zaro tovar ayirboshlash 1,3 milliard dollarga yetgani, 300 dan ziyod qo‘shma korxona tashkil etilgani ta’kidlandi.
Prezident Respubliki Uzbekistan Shavkat Mirziyoyev i Prezident Kirgizskoy Respubliki Sadir Japarov prodoljili peregovori v rasshirennom sostave s uchastiyem chlenov ofitsialnix delegatsiy, rukovoditeley rada ministerstv i oblastey dvux stran.
Mirziyoyev o‘zaro manfaatli hamkorlikning asosiy ustuvor yo‘nalishlarini qayd etdi. Bu, birinchi navbatda, o‘zaro savdo hajmini oshirish va nomenklaturasini kengaytirishdir.
“Shu maqsadda tomonlar uchinchi mamlakatlardan import o‘rnini o‘z ishlab chiqaruvchilarimizning arzon mahsulotlari bilan to‘ldirish, shuningdek, ikki mamlakat poytaxtlarida savdo markazlarini tashkil etish masalalarini o‘rganishga kelishib oldilar”, deyiladi xabarda.
Shuningdek, sanoat kooperatsiyasi doirasida qariyb 500 million dollarlik yangi investitsiya loyihalarini ishlab chiqish taklif qilindi. Avtomobillar, zamonaviy maishiy texnika, qurilish materiallarini ishlab chiqarish, foydali qazilmalarni birgalikda qazib olish va qayta ishlash shular jumlasidan.
Prezident Respubliki Uzbekistan Shavkat Mirziyoyev i Prezident Kirgizskoy Respubliki Sadir Japarov prodoljili peregovori v rasshirennom sostave s uchastiyem chlenov ofitsialnix delegatsiy, rukovoditeley rada ministerstv i oblastey dvux stran.
Shavkat Mirziyoyev oziq-ovqat xavfsizligini ta’minlash doirasida qishloq xo‘jaligi sohasidagi hamkorlikni mustahkamlashni hamkorlikning muhim yo‘nalishi sifatida qayd etdi. Shuningdek, Mirziyoyev ikki mamlakat hududlari o‘rtasidagi sheriklik va to‘g‘ridan-to‘g‘ri aloqalarni kengaytirish muhimligini ta’kidladi.
“Transport va logistika sohasidagi hamkorlik strategik ahamiyatga ega ekani qayd etildi. “Xitoy-Qirg‘iziston-O‘zbekiston” temir yo‘lini qurish bo‘yicha ishlarni faollashtirish, “Andijon-O‘sh-Irkishtom” avtomobil yo‘lining salohiyatini to‘liq ishga solish, shu maqsadda qo‘shma transport-logistika kompaniyasini tashkil etishga kelishib olindi”, deyiladi xabarda.
Muzokaralarda energetika sohasidagi hamkorlikka alohida e’tibor qaratildi. Gidroenergetikadagi loyihalarni amalga oshirish, shu jumladan Qambarota GES-1 qurilishi borasidagi birgalikdagi sa’y-harakatlarni jadallashtirish zarurligi qayd etildi.
Shuningdek, qirg‘iz yozuvchisi Chingiz Aytmatovning 95-yilligini keng nishonlash, O‘shda Bobur nomidagi O‘zbek musiqali drama teatrining ochilishida birgalikda spektakl namoyish etish, ziyolilar va yoshlarni faol jalb qilgan holda yangi format – Avlodlar muloqotini tashkil etish, talabalar spartakiadasi, qo‘shma festival va konsertlar, ijodiy tadbirlarni o‘tkazish taklif qilindi.
