Xalq ta’limini 2026-yilga qadar rivojlantirish strategiyasi ishlab chiqildi

© Sputnik/Zafar XalilovKak proxodit perviy zvonok v Tashkente
Kak proxodit perviy zvonok v Tashkente - Sputnik O‘zbekiston, 1920, 07.12.2022
Obuna bo‘lish
O‘zbekistonda 2026-yilgacha maktablarni qurish, ta’mirlash va rekonstruksiya qilish hisobiga 1,2 million yangi o‘quv o‘rni yaratish rejalashtirilmoqda.
TOShKENT, 7 dek — Sputnik. Xalq ta’limi vazirligi Xalq ta’limi tizimini rivojlantirish strategiyasini ishlab chiqdi. Hujjat loyihasi Normativ-huquqiy hujjatlar loyihalari muhokamasi portalida e’lon qilindi.
Quyidagilar Strategiyaning asosiy yo‘nalishlari etib belgilanmoqda:
o‘qituvchi kasbi nufuzini oshirish, ularga munosib mehnat shart-sharoitlar yaratish;
davlat ta’lim standartlari va talablari, o‘quv rejalari hamda darsliklarni takomillashtirib borish;
o‘quvchilarni zamonaviy kasblarga yo‘naltirish tizimini yaratish, kasbiy ko‘nikmalarni shakllantirib borish;
xalq ta’limi sohasida boshqaruv tizimini raqamlashtirish, o‘quv jarayonlariga axborot-kommunikatsiya texnologiyalarini keng joriy qilish, elektron ta’lim resurslarini yaratish;
xalq ta’limi muassasalarining moddiy-texnika bazasi va infratuzilmasini mustahkamlash, yangi o‘quvchi o‘rinlarini yaratish, nodavlat ta’lim muassasalarini tarmog‘ini kengaytirish.
2025 yilga qadar o‘quvchilarni milliy baholash (National Learning Assessment System- NLAS) tizimini joriy etish rejalashtirilmoqda. Shuningdek, ta’lim sifatini baholash bo‘yicha xalqaro tadqiqotlar (PIRLS, TIMMS, PISA) natijalari hamda milliy baholash tizimi joriy etish asosida ta’lim jarayonlarini doimiy takomillashtirib boriladi.
Ta’lim sifatini oshirish maqsadida 2023/2024 o‘quv yilidan boshlab boshlang‘ich sinflarda faqat xalqaro talablar asosida yaratilgan darsliklardan foydalaniladi. Vazirlik 2025/2026 o‘quv yiliga qadar esa 5-11-sinflarda aniq va tabiiy fanlar bo‘yicha xalqaro miqyosda tan olingan darsliklarga o‘tishni rejalashtirmoqda.
Maktablardagi eskirgan kompyuter sinflarini yangilash uchun har yili kamida 2000 komplekt kompyuter texnikasi xarid qilinadi.
Strategiyada 2026-yilgacha maktablarni qurish, ta’mirlash va rekonstruksiya qilish hisobiga 1,2 million yangi o‘quv o‘rni yaratish maqsad qilingan.
Strategiya loyihasi muhokamasi 15-dekabrgacha davom etadi.
Yangiliklar lentasi
0