Prezident mulk huquqini rasmiylashtirishga doir qonunni imzoladi

© Sputnik / Nina Zotina / Mediabankka o‘tishKalkulyator i dom
Kalkulyator i dom - Sputnik O‘zbekiston, 1920, 29.11.2022
Obuna bo‘lish
Qonun qabul qilinganidan uch oy o‘tgach kuchga kiradi.
TOShKENT, 29 noya — Sputnik. O‘zbekiston Respublikasi prezidenti kecha, 28-noyabr kuni “Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risida”gi qonunni imzoladi. Bu haqda “Huquqiy axborot” Telegram kanalida xabar berildi.
Ushbu qonun ko‘chmas mulkning quyidagi turlariga bo‘lgan huquqlarni davlat ro‘yxatidan o‘tkazishga nisbatan tatbiq etiladi:
yer uchastkalariga;
binolarga, inshootlarga, shu jumladan qurilishi tugallanmagan obyektlarga;
ko‘p yillik dov-daraxtlarga;
mulkiy majmua sifatidagi korxonaga.
Ko‘chmas mulkka bo‘lgan quyidagi huquqlar yoki cheklovlar davlat ro‘yxatidan o‘tkazilishi lozim:
mulk huquqi;
doimiy egalik qilish huquqi;
doimiy foydalanish huquqi;
meros qilib qoldiriladigan umrbod egalik qilish huquqi;
ijara huquqi;
ikkilamchi ijara huquqi;
xo‘jalik yuritish huquqi;
operativ boshqarish huquqi;
ko‘chmas mulkni ishonchli boshqarish huquqi;
bepul foydalanish huquqi;
renta;
ipoteka;
servitut;
ko‘chmas mulkka bo‘lgan huquqlarga qo‘yilgan cheklovlar.
Binolarga, inshootlarga hamda qurilishi tugallanmagan obyektlarga bo‘lgan huquqlarni davlat ro‘yxatidan o‘tkazish ushbu ko‘chmas mulk joylashgan yer uchastkasiga bo‘lgan huquqlar davlat ro‘yxatidan o‘tkazilmaguniga qadar amalga oshirilmaydi.
Ko‘chmas mulkning kadastr yig‘majildini shakllantirish uchun quyidagilar asos bo‘ladi:
yer uchastkalarining belgilanganligi (realizatsiya qilinganligi);
binoning, inshootning qurilganligi va foydalanishga topshirilganligi;
belgilangan tartibda ajratilgan yer uchastkasida qurilishi tugallanmagan obyektning mavjudligi;
ko‘chmas mulkning bo‘linganligi;
ko‘chmas mulkning birlashtirilganligi.
Davlat reyestri ko‘chmas mulk, unga bo‘lgan huquqlar, shuningdek huquq egalari to‘g‘risidagi ma’lumotlarning elektron bazasi tarzdagi tizimlashtirilgan ma’lumotlar to‘plamidan iboratdir.
Ushbu Qonun rasmiy e’lon qilingan kundan e’tiboran 3 oy o‘tgach kuchga kiradi.
Yangiliklar lentasi
0