TOShKENT, 10 dek — Sputnik. So‘nggi 10-yil ichida ilk bor Rossiya harbiy-dengiz kuchlari kemalari NATO davlatlari, shu jumladan AQSh va Buyuk Britaniya bilan birgalikda mashq o‘tkazadi, manevrlar fevral oyida Pokiston sohillari yaqinida o‘tkaziladi.
AMAN-2021 mashqlarida Pokiston dengiz floti va Rossiya dengiz floti kemalaridan tashqari AQSh HDK, Buyuk Britaniya, Xitoy Xalq Respublikasi, Yaponiya, Turkiya, Filippin, Malayziya, Shri-Lanka va Indoneziya harbiy dengiz kuchlari ishtirok etadi.
Mashqlar 2021-yil fevral oyida Karachining akvatoriyasida o‘tkaziladi. Rossiya harbiy-dengiz kuchlaridan fregat, patrul kemasi, qutqaruv kemasi, harbiy dengizlar bo‘linmasi, minalardan tozalash guruhi va vertolot qatnashadi.
Rossiya HDK kemalari so‘nggi marta Shimoliy Atlantika alyansi kemalari bilan birgalikda 2011-yilda Ispaniya sohillari yaqinida "Bold Monarx" mashqini o‘tkazishgandi.
