TOShKENT, 27 noya — Sputnik. Saratov viloyat sudi yanvar oyida sodir bo‘lgan dahshatli YTH ishi bo‘yicha O‘zbekiston fuqarosini aybdor deb topdi.
Sudlanuvchini uch yillik qamoq jazosiga hukm qilishdi. Bu haqda RF TQ hududiy boshqarmasi xabar bermoqda.
"Dastlabki tergov jarayonida va sudda erkak barcha ilgari surilgan ayblarni tan olgan. Sud hukmi bilan u 3-yilga qamoq jazosiga hukm qilingan, jazoni koloniya-poseleniyeda o‘tashi belgilangan, shuningdek, ikki yilga transport boshqarish huquqidan mahrum etilgan", - deyiladi bayonotda.
Sud hukmi qonuniy kuchga kirmagan va shikoyat arizasini kiritish mumkin.
Hodisa haqida
Ayblovchi tomon quyidagi versiyani ilgari surgan: 16-yanvar kuni ertalab, Tatishev tumanidagi trassada o‘zbekistonlik haydovchi o‘zining Hyundai mikroavtobusida qarama qarshi tomonga chiqib ketgan.
Mashina qarshi tomonda kelayotgan "Volga" bilan to‘qnashgan.
Avariya oqibatida "Volga" haydovchisi va Hyundaining uch nafar yo‘lovchisi halok bo‘lishgan. Minivenda bo‘lgan yana ikki kishi og‘ir jarohat olgan.
Prokuratura ma’lumotlariga ko‘ra, haydovchi va minivenning yettita yo‘lovchisi O‘zbekiston fuqarolaridir. Ammo O‘zbekiston TIV sal oldin Hyundaidagi besh kishi - respublika fuqarolari bo‘lgani, ulardan ikki nafar halok bo‘lishgani haqida xabar bergan edi.
