TOShKENT, 26 okt — Sputnik. Rossiya prezidenti Vladimir Putin AQShning O‘rta va qisqa masofaga uchuvchi raketalarni yo‘q qilish shartnomasidan (DRSMD) chiqishi jiddiy xato ekanini ma’lum qildi.
“Natijada o‘z kuchini yo‘qotgan AQShning O‘rta va qisqa masofaga uchuvchi raketalarni yo‘q qilish shartnomasidan chiqishini jiddiy xato deb hisoblaymiz”, - deyiladi Kreml matbuot xizmati chop qilgan bayonotda.
Ta’kidlanishicha, bu raketa bilan qurollanish poygasining avj olish xavfi va nazorat qilib bo‘lmaydigan keskinlik oshishini kuchaytiradi.
Putin SNV-3 shartnomasini hech qanday shartlarsiz 1-yilga uzaytirishni taklif qildi
2019 yilda AQSh Rossiyani ushbu shartnomani shartlarini buzganlikda ayblab, undan chiqdi. Moskva bu ayblovlarni rad etdi va savol tug‘dirgan raketani namoyish qilish va bu mavzuni muhokama qilishga tayyorligini bildirdi. Ammo AQSh yon bermadi va bir tomonlama shartnomadan chiqdi
