TOShKENT, 15 okt - Sputnik. Namangan viloyati Uchqo‘rg‘on tumanida traktor tirkamasiga osilgan 9 yoshli bola vafot etdi, deb xabar bermoqda Namangan viloyati IIB axborot xizmati.
Hodisa 13-oktabr kuni soat 22:30 larda sodir bo‘lgan.
"Yangiyer-Uchqo‘rg‘on" yo‘lining 3-kilometrida 53 yoshli fuqaro fermer xo‘jaligiga tegishli bo‘lgan "MTZ-80" traktorini tirkama ulagan holda harakatlanib ketayotgan vaqtida, 3-sinfda o‘qigan, 9 yoshli bolakay traktor tirkamasining orqa tomonidan osilib, yerga yiqilib tushgan.
Natijada, bola bosh va jag‘ qismidan tan jarohati olib, shifoxonada vafot etgan.
Ushbu holat bo‘yicha Uchqo‘rg‘on tumani IIB huzuridagi Tergov bo‘linmasi tomonidan tergovga qadar tekshiruv harakatlari olib borilmoqda.
