Sputnik radiosining efirida siyosatshunos Vladimir Mojegov buni "balandparvoz va hech qanday aks etmaydigan" tashabbus deb atadi va nima uchun bunday hisoblashini tushuntirdi.
Bir guruh amerikalik senatorlar Aleksey Navalniy bilan yuz bergan hodisa yuzasidan Rossiyaga qarshi sanksiyalar to‘g‘risidagi qonun loyihasini taqdim etishdi, bu haqda respublikachi senator Marko Rubio veb-saytida xabar berilgan.
Hujjat, mualliflarning fikriga ko‘ra, "xalqaro huquqni ochiqdan-ochiq buzish bilan shug‘ullangan", shu jumladan Navalniyning "zaharlashga" aloqador bo‘lgan Rossiya amaldorlariga cheklovlar qo‘yishni nazarda tutadi.
Qonun loyihasi Rossiya prezidenti Vladimir Putin va uning atrofidagi shaxslarning moliyalari to‘g‘risida Amerika hukumatidan Kongressga hisobot berishni talab qiladi. Bundan tashqari, u Oq uyni, uning fikriga ko‘ra, Rossiya AQShning kimoviy va biologik qurollardan foydalanishni taqiqlovchi qonunlarini buzganmi, degan savolga javob berishga majbur qiladi.
Marko Rubiodan tashqari, hujjatni: respublikachi senator Mitt Romni, shuningdek demokratlar Kris Kuns, Ben Kardin va Kris Van Xollen ma’qulladilar.
Qonun loyihasini qabul qilinish uchun Senat va Vakillar Palatasi tomonidan qo‘llab-quvvatlanishi va AQSh prezidenti tomonidan imzolanishi kerak.
Sputnik radio efirida siyosatshunos Vladimir Mojegov senatorlarning tashabbusi yuzasidan izoh berdi.
“Bu shunchaki ommaviy ish. Qanday hisobotlar bo‘lishi mumkin? Bu mutlaqo bo‘lmaydigan narsalar. Bularning hammasi - saylov oldi vasvasasini keskin oshirish ohangi, befoyda gaplar. Keyin esa: Navalniy ishi – bu demokratlarning kun tartibi. Respublikachilar unga qo‘shilishni uncha xohlashmaydi. Menimcha, ular endi buni qo‘llab-quvvatlamaydilar. Qanday bo‘lmasin, Tramp buni hammasini juda ehtiyotkorlik bilan va uzoqdan olib keldi. Va (Davlat kotibi Mayk) Pompeo sodir bo‘lgan holat yuzasidan barcha faktlar ma’lum bo‘lgandan so‘ng munosabat bildirish kerakligini aytdi, va hozircha nima bo‘layotgani aniq emas”, - deydi Vladimir Mojegov.
Uning fikriga ko‘ra, amerikaliklar Navalniy haqida nemislardan ma’lumot olishlari mumkin edi, ammo ulardan hech qanday so‘rov kelib tushmadi.
“Bu sanksiyalar uchun qandaydir asos bo‘lar edi, ammo hozircha bunday so‘rovlar kelib tushmadi. Shuning uchun, menimcha, bularning barchasi – balandparvoz va hech qanday aks etmaydigan tashabbus ... Bu qandaydir shubhali voqea, shuning uchun Tramp unga aralashishni istamayapti - demokratlarning firibgarligi, unga yiqilib tushishni xohlamayapti. Nazarimda demokratlar ushbu kun tartibini faol ravishda targ‘ib qilishadi va Tramp bularning barchasidan bir oz chetda turadi", - deb hisoblaydi siyosatshunos.
Aleksey Navalniy 20-avgust kuni samolyotda o‘zini yomon xis qilgandan keyin Omskdagi kasalxonaga yotqizildi. Shifokorlar modda almashinuvi buzilishi, qonda shakar darajasining keskin pasayishiga olib keldi. Bunga nima sabab bo‘lganligi hali aniq emas, ammo Navalniyning qoni va siydigida zahar izlari topilmadi.
Keyinchalik Navalniy davolanish uchun Germaniyaga olib ketiladi. Sentabr oyi boshida Germaniya hukumati rossiyalik "Novichok" jangovar moddasi bilan zaharlanganligini e’lon qildi. Moskva Berlin laboratoriyasidan olingan tahlillar natijalari batafsil ma’lumot olish uchun so‘rovnoma yubordi, ammo javob kelmadi.
Shu bilan birga, Germaniya BND-razvedka xizmati 1990-yildan beri boshlab ushbu moddadan foydalana olgani ma’lum. Ushbu modda, shuningdek, 20ta g‘arb davlatlari, xususan, Buyuk Britaniya, AQSh, Shvetsiya, Chexiya tomonidan o‘rganilgan. Rossiya 1992-yildagi prezident farmoniga binoan kimoviy qurol sohasida ishlanmalarni to‘xtatgan, 2017-yilda esa bu singari moddalarning barcha zaxirasini yo‘q qilgan, bu holat OZXO tomonidan tasdiqlangan.
