TOShKENT, 16 sen — Sputnik. Toshkent viloyati bosh imom-xatibi Xayrulloh Turmatov 44 yoshida hayotdan ko‘z yumdi. Bu haqda O‘zbekiston musulmonlari idorasi matbuot xizmati xabar qilmoqda.
Xabarda uning o‘lim sababi ma’lum qilinmagan.
Xayrulloh Turmatov 1976-yil 16-avgustda Angren shahrida tug‘ilgan. Toshkent Islom institutini (2001) va Toshkent viloyat pedagogika institutini (2003) tamomlagan. Turli yillarda u “Chetsuv” (1994−2003), “Qorabog‘” masjidlarida imom-xatib va shu bilan birga, Angren shahrida bosh imom-xatib (2003−2014) bo‘lib ishlagan.
2014 yildan buyon esa Zangiota masjidi imom-xatibi va Toshkent viloyati bosh imom-xatibi lavozimlarida ishlab kelayotgan edi.
