TOShKENT, 6 sen — Sputnik. O‘zbekistonda o‘tgan tun davomida yana 106 kishida koronavirus aniqlandi. Bemorlarning umumiy soni 43 478 nafarga yetdi. Bu haqda Sog‘liqni saqlash vazirligi xabar qilmoqda.
Yangi kasallanganlarning 100 nafari Toshkent shahrida, 6 nafari Toshkent viloyatida fuqarolar orasida aniqlangan.
3 Sentabr 2020, 15:09
Shu bilan birga, Chilonzor tumanida yashagan 61 yoshli S.A. (erkak) hamda Olmazor tumanida yashagan 54 yoshli T.K. (erkak), jami 2 nafar koronavirusga chalingan bemor vafot etdi. Qurbonlar soni 345 nafarga yetdi.
Shu paytga qadar 40 880 nafar koronavirus infeksiyasiga chalingan fuqarolar (94 foiz) sog‘aygan.
Hozirda mamlakatda 2 251 nafar bemor davolanmoqda. Ulardan 366 nafari og‘ir, 198 nafari esa o‘ta og‘ir ahvolda.
