TOShKENT, 3 sen - Sputnik. O‘zbekistonda kunlik koronavirusga chalinganlar soni kamayishda davom etmoqda, deb xabar qildi Sog‘liqni saqlash vazirligi.
2020 yil 3-sentabr soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 42688 kishini tashkil qilgan. Bugungi kuni hisobidan yangi kasallar soni +53 nafarni tashkil qilgan.
Yangi kasallanish holatlarining 47 nafari Toshkent viloyatida hamda yana 6 nafari Andijon viloyatida tana harorati ko‘tarilishi tufayli aniqlangan. Ular oldin koronavirusga chalingan bemorlar bilan muloqotda bo‘lgan.
Chinoz tumanida yashagan 71 yoshli O.A. (ayol) hamda Olmazor tumanida yashagan 46 yoshli N.M. (ayol), jami 2 nafar koronavirusga chalingan bemor vafot etdi.
Bugun ayni paytga qadar Toshkent shahrida 115 nafar, Toshkent viloyatida 51 nafar, Sirdaryo viloyatida 17 nafar, Andijon viloyatida 7 nafar, Namangan viloyatida 6 nafar hamda Qashqadaryo viloyatida 2 nafar bemor tuzaldi.
Koronavirusga chalingan bemorlarning 40081 (+198) nafari, ya’ni - 93 % sog‘aygan. Ayni damda shifoxonalarda 2274 nafar bemorlar davolanmoqda.
Eslatib o‘tamiz Iyul Avgust oylarida O‘zbekistonda kuniga aniqlanayotgan yangi bemorlar soni 400-600 kishi atrofida, kasalxonalarda davolanayotganlar soni 7 mingdan oshgan edi.
