Ushbu xatarlar haqida Sputnik radiosi efirida shifokor Vladimir Xoroshev gapirdi.
Tibbiyot xodimlarining fikricha, inson uchun uyquning o‘rtacha meyoriy darajasi - sakkiz soat etib belgilangan, bu vaqt ichida organizm o‘zini to‘liq tiklashga ulguradi. Agar yoshlikda organizm chala uyqu oqibatlarini osonlikcha yenga olsa, katta yoshdagi insonlar oromi esa belgilangan muddatdan kam bo‘lmasligi kerak, dedi Sputnik radiosiga bergan intervyusida kardiolog Vladimir Xoroshev.
"55 yoshdan katta va 60 yoshga yaqinlashayotgan insonlar ma’lum uyqu rejimiga amal qilishlari kerak. Ular 8 soatdan kam bo‘lmagan vaqt tinch uxlashlari shart. Agar keksa yoshdagi kishilar kam uxlashsar, ularning organizmi resurs bazani qayta tiklashga ulgurmaydi, bu esa barcha organlar faoliyatiga salbiy ta’sir ko‘rsatadi. Bosh miya, yurak, jigar va oshqozon bundan aziyat chekadi. Buni yodda tutish lozim", - deya tushuntiradi Vladimir Xoroshev.
U shuningdek, keksa yoshdagi insonlar haddan ziyod ko‘p uxlashlari maqsadga muvofiq emasligini qo‘shimcha qildi: ko‘p uxlash keksalar uchun xavfli bo‘lgan ortiqcha vazn muammosini keltirib chiqaradi.
"Odamlar ko‘pincha keksa yoshda haddan ko‘p uxlaydigan bo‘lib qolishadi. Ular umrlari davomida charchaganliklarini va endi uyquga to‘yib olishni istashlarini aytishadi. Gap shundaki, haddan ziyod ko‘p uxlash ham keksa yoshdagi insonlar uchun zararli. Tadqiqotlar 9, 10 va hatto 11 soatdan oshadigan uyqu bosh miyaning ateroskleroz shikastlanishiga yoki ensefalopatiyaga olib kelishi xavfini oshirishini ko‘rsatgan. Bu kasallik bosh miya kognitiv buzilishini keltirib chiqaradi. Natijada bu keksa yoshdagi insonlarda aqli zaiflik rivojlanishiga sabab bo‘ladi. Ortiqcha vazn ham keksa yoshda maqsadga muvofiq emas", - deya aniqlik kiritgan Vladimir Xoroshev.
