TOSHKENT, 10 avg — Sputnik. XXR raisi Si Tszinpin Belarus prezidenti Aleksandr Lukashenkoni respublika prezidenti saylovida erishgan gʻalabasi bilan qutladi. RIA Novosti xabariga asosan.
“Xitoy hukumati va xalqi nomidan, shuningdek oʻz nomimdan samimiy tabrik va eng ezgu tilaklarimni izhor etaman. Ishonchim komilki, sizning rahbarligingiz bilan Belarus davlat qurilishi yoʻlida yangi ulkan yutuqlarga erishadi”, - deyilgan tabrikda.
Belarus prezidenti saylovlari 9 avgust kuni boʻlib oʻtdi. Dastlabki maʼlumotlarga koʻra, saylovda Lukashenko 80,23 foiz ovoz toʻpladi.
