TOShKENT, 2 avg — Sputnik. Bosh prokuratura ijtimoiy tarmoqda tarqalgan noto‘g‘ri jarrohlik amaliyoti sababli prokuratura xodimi vafot etgani haqida xabar yuzasidan munosabat bildirdi.
Aniqlanishicha, 2020-yil 30-iyul kuni fuqaro 29 yoshli S.T. Zangiota tumanidagi “Lor Med servis” xususiy klinikasida burun deformatsiyasi tashxisi bo‘yicha o‘tkazilgan jarrohlik amaliyoti davomida vafot etgan.
Mazkur holat yuzasidan Zangiota tumani prokuraturasi tergovga qadar tekshirish harakatlarini olib bormoqda.
“Marhum S.Turdiyev haqiqatda 2018-yil noyabr oyiga qadar prokuratura organlari tizimida ishlab kelib, Toshkent viloyati prokurorining buyrug‘iga asosan prokuratura organlaridan bo‘shatilgan”, - deyilgan xabarda.
Prokuratura shifokor hibsga olinganligi haqidagi ma’lumot haqiqatga to‘g‘ri kelmasligi ma’lum qilgan.
