TOShKENT, 29-iyul - Sputnik. To‘qqiz yoshli amerikalik Kimora Linum uyquda koronavirusdan vafot etdi. Bu haqda RIA Novosti Mirror nashriga tayangan holda xabar bermoqda.
O‘limidan bir necha kun oldin uning harorati 37,7 darajagacha ko‘tarilgan. Kasalxonada qizni shifokorlar ko‘rib, oddiy O‘RVI bilan kasallangan deb hisoblashib o‘z uyida davolanishga jo‘natib yuborishgan. Shuningdek, unga COVID-19 ga test topshirishni aytishmagan.
Ikki kundan keyin qiz o‘zini yaxshiroq his qilgan. Oxirgi kun kechki payt u ko‘chada do‘stlari bilan o‘ynagan, biroq uyga qaytgach, qattiq charchoqdan shikoyat qilgan. Keyinn u uyquga ketib, qaytib uyg‘onmagan.
Vafotidan keyin undan koronavirusga test olingan. Shunda unda koronavirus borligi aniqlangan.
AQShda epidemiya boshlangandan beri 4,2 milliondan ziyod kishi koronavirus bilan kasallangan. 148 mingdan ortiq kishi vafot etgan.
