TOSHKENT, 28 iyul — Sputnik. Rossiyada 17 ta ilmiy muassasalarda koronavirusga qarshi vaktsinaning 26 ta varianti ishlab chiqarilmoqda. Bu haqda Rospotrebnadzor rahbari Anna Popova prezentatsiyasida maʼlum qilingan, deya yozadi RIA Novosti.
“Rossiyada 17 ta ilmiy muassasalarda koronavirusga qarshi vaktsinaning 26 ta varianti ishlab chiqarilmoqda”, - deyilgan xabarda.
Taʼkidlanishicha, bitta vaktsina koʻngillilarda klinik sinovdan oʻtgan, “Vektor” markazi esa oltita turli texnologiya plamformalarida vaktsina ishlab chiqarmoqda.
Avvalroq Rossiya sogʻliqni saqlash vaziri Mixail Murashko koronavirusga qarshi emlash bepul va ixtiyoriy boʻlishini maʼlum qilgan edi.
