TOSHKENT, 24 iyul — Sputnik. Oʻzbekiston Respublikasi prezidenti Shavkat Mirziyoyev Rossiya Federatsiyasi prezidenti Vladimir Putin bilan telefon orqali muloqot qildi, deb xabar qildi prezident matbuot xizmati.
“Vladimir Putin Oʻzbekiston prezidentini tavallud kuni bilan chin dildan muborakbod etib, farovonlik va muvaffaqiyat tiladi.
Liderlar oʻtgan oyda Moskva shahrida boʻlib oʻtgan amaliy uchrashuvda erishilgan kelishuvlarni amalga oshirish masalasiga alohida eʼtibor qaratdilar,” – deyilgan xabarda.
Bundan avval Markaziy Osiyo davlat yetakchilari Mirziyoyevni tugʻilgan kuni bilan tabriklagani haqida xabar bergandik.
