TOShKENT, 22-iyul — Sputnik. 2020-yil yanvari – iyun oylarida O‘zbekiston 2,1 mlrd dollarlik oltin eksport qilgan. Ushbu raqamlar Davlat statistika qo‘mitasi hisobotida keltirilgan.
Bu ko‘rsatkich umumiy eksport hajmining 33,8 foizini tashkil etadi.
Joriy yilning birinchi yarim yilligida eksport hajmi 6,2 mlrd. dollarni tashkil etgan. O‘tgan yilning mos davriga nisbatan bu ko‘rsatkich 18,2 foizga kam.
Olti oy yakunlariga ko‘ra, O‘zbekistonning tashqi savdo aylanmasi 15,8 mlrd dollarga yetgan. Bu esa o‘tgan yilning mos davriga nisbatan 3,5 mlrd. dollarga kamroq.
