TOShKENT, 15-iyul — Sputnik. Surxondaryo viloyatining Jarqo‘rg‘on tumanida sudyalar obro‘sizlantirilishi bo‘yicha jinoiy ish ochildi. Bu haqda Bosh prokuratura matbuot xizmati xabar qilmoqda.
Surxondaryo viloyati prokuraturasi o‘tkazilgan tekshirish natijasiga ko‘ra JKning 206-moddasi (Hokimiyat yoki mansab vakolati doirasidan chetga chiqish) bilan jinoyat ishi qo‘zg‘atgan.
Hozirda tergov harakatlari olib borilmoqda.
Xabarda tergov harakatlari Bosh prokuratura tomonidan nazoratga olingani qo‘shimcha qilingan.
Eslatib o‘tamiz, avvalroq Jarqo‘rg‘onda sudyalarning omma oldida obro‘sizlantirilishi senatorlik nazoratiga olingani xabar qilingan edi.
