TOShKENT, 28-iyun — Sputnik. O‘zbekistonda yana bir bemor koronavirusdan vafot etdi. U poytaxtdagi Yakkasaroy tuman tibbiyot birlashmasi shifokori A.U. Bu haqda Sog‘liqni saqlash vazirligi xabar qilmoqda.
Ta’kidlanishicha, vafot etgan shifokor shu yilning 14-iyun kunidan Toshkent viloyati Yuqori Chirchiq tumanidagi karantin markazidagi fuqarolarga tibbiy xizmat ko‘rsatish maqsadida faoliyat ko‘rsata boshlagan.
23 iyun kuni ahvoli og‘irlashib, dastlab Zangiota tuman yuqumli kasalliklar shifoxonasiga, so‘ng esa Epidemiologiya, mikrobiologiya va yuqumli kasalliklar ilmiy-tekshirish instituti klinikasiga o‘tkir miokard infarkti tashxisi bilan yotqizilgan.
26 iyunda esa yurak, nafas va o‘pka yetishmovchiligi kuzatilib, ahvoli og‘irlashganligi uchun jonlantirish bo‘limiga olingan.
Biroq muolajalariga qaramasdan koronavirusga chalingan bemor miokard infarkti, o‘tkir nafas va yurak qon-tomir yetishmovchiligidan bemor vafot etgan.
