TOShKENT, 26-iyun — Sputnik. Koronavirus infeksiyasi shiddat ila tarqalayotgan 11ta mamlakat ro‘yxati shakllantirildi. Ular orasida Markaziy Osiyo mamlakatlari ham bor. Bu haqda Butunjahon sog‘liqni saqlash tashkiloti Yevropa mintaqaviy burosi direktori Xans Klyugening dokladida aytilgan.
"Mamlakatlar choralarga tuzatishlar kiritayotgan bir necha hafta davomida men infeksiya qayta avj olishi xavfi haqida gapirgan edim. Yevropaning ayrim mamlakatlarida bu xatar real tus oldi - 30ta davlat va hududlarda oxirgi ikki hafta davomida yangi holatlar soni ortdi. Shu davlatlarning 11tasida kasallikning shiddat ila yuqishi tarqalishni kengaytirdi. Agar buni to‘xtatmasa, bu avj olish yana Yevropa sog‘liqni saqlash tizimini inqiroz yoqasiga olib kelib qo‘yadi", - dedi Klyuge.
Klyuge tomonidan ko‘rsatilgan 11ta davlat ro‘yxatiga Armaniston, Shvetsiya, Moldova, Shimoliy Makedoniya, Ozarbayjon, Qozog‘iston, Albaniya, Bosniya va Gersegovina, Qirg‘iziston, Ukraina va Kosovo kiritildi.
