Shavkat Mirziyoyev va Vladimir Putin o‘rtasidagi uchrashuvda namoyon bo‘lgan yuqori shaxslararo ijobiy ko‘rsatkichni qayd etmay bo‘lmaydi, dedi Sputnik O‘zbekistonga bergan intervyusida MDH mamlakatlari instituti O‘rta Osiyo bo‘limi boshlig‘i Andrey Grozin.
Mutaxassisning ta’kidlashicha, O‘zbekiston va Rossiyaning iqtisodiy va gumanitar sohalarida ko‘plab qo‘shma loyihalari mavjud, Rossiyaning yetakchi universitetlarining O‘zbekistondagi kabi filiallari ko‘pligi boshqa hech qaysi mamlakatda yo‘q.
“O‘zbekiston juda ko‘p chaqiriqlar oldida turibdi. Yig‘ilgan muammolar, birinchi navbatda, iqtisodiyot, valyuta-moliya sohasi, mamlakatning ekologik rivojlanishi va boshqalarda - jiddiy jadal yechimlarni talab qiladi. Va mamlakat iqtisodiyotini ko‘p yillar davomida boshqarib kelayotgan Mirziyoyev iqtisodiyot oldida turgan barcha qiyinchiliklardan xabardor”, - dedi Andrey Grozin.
Suhbatdoshning ta’kidlashicha, aynan shu xabardorlik mamlakatlarimizning sheriklik munosabatlarini yanada faollashtirilishiga olib kelmoqda. O‘tgan yilga nisbatan sezilarli o‘sish hatto 2020-yilning birinchi choragida ham kuzatildi, bu esa jahon savdosida koronavirus tarqalishi bilan bog‘liq muammolar hisobga olgan holda ro‘y bermoqda.
Hozirda Moskva va Toshkent o‘rtasidagi iqtisodiy hamkorlik juda ijobiy ko‘rinmoqda, Rossiya biznesi va rus texnologiyalariga tayangan holda, O‘zbekiston jiddiy iqtisodiy rivojlanishiga hissa qo‘shadigan bir qator loyihalarni amalga oshirishga tayyor ekanligi haqida gapirmasa ham bo‘ladi.
