TOShKENT, 13-iyun — Sputnik. Rossiyada may oyida migrantlar o‘tgan yildagi ko‘rsatkichga nisbatan 10,9 foizga kam jinoyat sodir etishdi, dedi Irina Volk, Ichki ishlar vazirligining rasmiy vakili.
"Bir qator ekspertlarning hadiksirashiga qaramay, cheklov choralari sharoitida migrantlar jinoiy faolligi oshgani yo‘q. Unga teskari tendensiya davom etmoqda. May oyida xorijiy fuqarolar bir yil avvalgi ko‘rsatkichga nisbatan 10,9 foizga kam jinoyat sodir etishdi", - dedi Volk.
Uning so‘zlariga ko‘ra, qotilliklar soni 20 %ga, qasddan badanga og‘ir shikast yetkazish holatlari - 1,8 %ga, talonchilik - 2,9 %ga, bosqinchilik - 12,7 %ga kamaydi.
