TOSHKENT, 4 iyun - Sputnik. Oʻzbekiston tomoni bilan oʻtkazilgan muzokaralardan asosiy maqsad - oʻrtadagi ziddiyatni yumshatish va chegarada barqaror holatni saqlab qolish edi va bu ishni uddasidan chiqdik, deb aytgan deputatning muzokaralar boʻyicha hisob berish talabidan soʻng Jokorgu Kenesh yigʻilishi davomida Bosh vazirning birinchi oʻrinbosari Kubatbek Boronov.
Sputnik Qirgʻiziston xabari asosida.
Kecha deputat Zokir Sharapov Oʻzbekiston bosh vaziri Abdulla Aripov fuqarolar bilan uchrashuv chogʻida "Qirgʻiziston vakili Sox - Rishton yoʻlida postni ochishmagani uchun uzr soʻraganini" va "tez orada yoʻlni ochishini" aytdi.
Parlamentariylar fikricha Qirgʻiziston uzr soʻrashi uchun hech qanday sabab yoʻq.
"Oʻsha uchrashuvda Oʻzbekiston bosh vaziri qirgʻiz tomoni "Kaytpas" postini ochish vaʼdasini berganini, ammo bu ishni bajarmagani haqida fikr aytdi. Biz kechirim soʻraganimiz yoʻq, balki diplomatik tilda afsusdaligimizni bildirdik. Postni ochmaganimizning asosiy sababi: ayrim amaldorlar YEOII talablarini inobatga olmay, shoshilinch qaror qabul qilganlar. Post tez orada ochilishi haqidagi gapga keladigan boʻlsak, meni tushunishimcha Oʻzbekiston tomoni YEOIIga aʼzo boʻlishlarini nazarda tutgan. U shu haqda uchrashuvda aytgan edi", - degan Boronov.
31 may kuni Oʻzbekistonning Qirgʻiziston hududidagi eksklavi - Soʻx tumani aholisi va qirgʻizlar orasida mojaro sodir boʻlgan. Janjal oqibatida ikki tomon bir birini toshboʻron qilgan bir necha uylar yoqib yuborilgan edi.
