Rossiya Sog‘liqni saqlash vazirligining N. F. Gamaleya nomidagi Epidemiologiya va mikrobiologiya milliy ilmiy tadqiqot markazi xodimlari o‘zlarida COVID-19ga qarshi vaksinani sinab ko‘rishdi. Bu haqda markaz direktori Aleksandr Ginsburg ma’lum qilgan edi.
Virusolog, tibbiyot fanlari doktori, professor Anatoliy Altshteynning Sputnik radiosiga bergan intervyusida ma’lum qilishicha, vaksinani uni yaratuvchilar tomonidan o‘zlarida sinab ko‘rilishi normal holat sanaladi.
“Vaksina ishlab chiqarilmoqda va ishlanmaning katta qismi allaqachon yakunlangan. U hayvonlarda sinab ko‘rildi. Vaksina yaratuvchilari uni o‘zlarida sinab ko‘rishlari bu normal holatdir. Bu hech qanday tartib nazarda tutilmagan, bu shunchaki etika odati”, - deydi u.
Professorning so‘zlariga ko‘ra, tibbiyotda yangi vaksina yaratish bu kamdan-kam kuzatiladigan hodisa. Xatarlarni baholash bu kabi vaksinalarni odamlarda qo‘llash tajribasiga va hayvonlarda sinalgan natijalariga bog‘liq. Ushbu turdagi vaksinalar haqida bilimlar yaratuvchilarga bu sinovlarni minimal xavf bilan amalga oshirishga imkon bergan.
