TOShKENT, 14-may — Sputnik. Prezident farmoni bilan Bexzod Anvarovich Musayev Bosh vazirning ijtimoiy rivojlantirish masalalari bo‘yicha o‘rinbosari lavozimiga tasdiqlandi.
Bunga qadar B.A.Musayev Davlat soliq qo‘mitasi raisi lavozimida faoliyat yuritgan.
Shuningdek, prezident farmoni bilan Sherzod Davlyatovich Kudbiyev Davlat soliq qo‘mitasi raisi lavozimiga tasdiqlandi. Unga “Soliq xizmatining III darajali davlat maslahatchisi” maxsus unvoni berildi.
Kudbiyev bunga qadar prezidentning davlat xizmati va hokimiyat vakillik organlari bilan hamkorlik qilish masalalari bo‘yicha maslahatchisi lavozimida faoliyat yuritgan.
