TOShKENT, 6-may — Sputnik. So‘nggi sutka ichida Rossiya poytaxtida koronavirus bilan bog‘liq 5858 ta holat aniqlandi. Moskvada hozirga kelib jami 85 973 ta holat qayd etilgan, deya xabar qilmoqda shahar tezkor shtabi.
Ta’kidlanishicha, Moskvada 8458 kishi koronavirusdan to‘liq tuzalgan. 866 ta o‘lim holati kuzatilgan.
Qayd etish joizki, Moskvada aniqlangan holatlar Xitoydagi qaraganda 2000 tadan ziyod.
Jon Hopkins universiteti ma’lumotlariga ko‘ra, Xitoyda koronavirus bilan bog‘liq jami 83 968 ta holat aniqlangan. Kasallangan 78 870 nafar bemor tuzalib ketgan. O‘lganlar 4637 kishini tashkil etmoqda.
Rossiyada jami 165 929 ta koronavirus holati aniqlangan. Shulardan 21 327 nafari tuzalib ketgan. 1537 kishi esa vafot etgan.
