TOShKENT, 25 apr - Sputnik. Xitoy hukumati Pxenyanga tarkibida tibbiyot xodimlari bo‘lgan maxsus delegatsiyani yo‘lladi, ular salomatligida muammolar bo‘lishi mumkin bo‘lgan Shimoliy Koreya yetakchisi Kim Chen Inni ko‘rikdan o‘tkazadilar, deb xabar qilmoqda Reyter agentligi o‘z manbalariga tayangan holda.
Janubiy Koreyaning Daily NK nashri sal avval Shimoliy Koreyadagi o‘z manbasiga tayanib, Kim Chen In hozirda yurak-qon tomiri tizimi bilan bog‘liq operatsiyadan so‘ng davolanish kursidan o‘tayotgani haqida xabar bergan edi.
Reyter ma’lumotlariga ko‘ra, Xitoy delegatsiyasiga XXR Kommunistik firqasining xalqaro aloqalar bo‘yicha bo‘limi oliy martabali amaldori rahbarlik qilmoqda. Emissarlar Pekindan Pxenyanga tomon payshanba, 23-aprel kuni yo‘l olishgan.
OAV: 8 yoshga to‘lgan Kim Chen Inga ta’zim qilgan generallar hozir ham uning yonida >>>
Ronxap agentligi Janubiy Koreya hukumatidagi manbalarga tayangan holda KXDR rahbari salomatligida jiddiy muammolar kuzatilayotgani to‘g‘risidagi xabarlar haqiqatdan yiroqligi haqida yozgan edi. RIA Novosti tomonidan so‘roqqa tutilgan ekspertlar KIM Chen In sog‘lig‘i haqida tarqalgan xabarlarni haqiqat deb hisoblamasligini ma’lum qilishdi, ular shuningdek internetda Shimoliy Koreya yetakchisi o‘limi haqida tarqalgan mish-mishlar ham katta ehtimol bilan yolg‘on bo‘lishi mumkinligini aytishgan.
