O‘zbekiston o‘pkani sun’iy ventilyatsiya qiluvchi 2,3 ming dona apparat sotib oladi

© Sputnik / Kirill Shipitsin / Mediabankka o‘tishSimulyatsionniy sentr Irkutskoy oblastnoy klinicheskoy bolnisi
Simulyatsionniy sentr Irkutskoy oblastnoy klinicheskoy bolnisi - Sputnik O‘zbekiston
Obuna bo‘lish
O‘zbekiston prezidenti Shavkat Mirziyoyev 2,3 ming dona o‘pkani sun’iy ventilyatsiya qiluvchi apparat sotib olish haqida topshiriq berdi.

TOShKENT, 18 apr — Sputnik. O‘zbekiston prezidenti Shavkat Mirziyoyev Sog‘liqni saqlash vazirligiga birlamchi va tibbiy yordam loyihalari doirasida Osiyo taraqqiyot banki hamda Jahon bankining 30 million dollar mablag‘i evaziga o‘pkani sun’iy ventilyatsiya qiluvchi 2 ming 300 ta apparat va boshqa uskunalar sotib olish haqida topshiriq berdi.

Test na koronavirus - Sputnik O‘zbekiston
O‘zbekistonda yana 45 kishiga koronavirus infeksiyasini yuqtirib olish tashxisi qo‘yildi

Kuni kecha O‘zbekiston yetakchisi koronavirus pandemiyasiga qarshi kurashishda xalqaro moliya institutlari bilan hamkorlikni kuchaytirish masalalari muhokamasiga bag‘ishlangan yig‘ilish o‘tkazdi.

Joriy yilda xalqaro va xorijiy moliya institutlari tomonidan yo‘naltirilgan 2,7 milliard dollarni o‘zlashtirish rejalashtirilgan. Ularning asosiy qismi Osiyo taraqqiyot banki, Jahon banki va Yaponiya xalqaro hamkorlik agentligi (JICA) hissasiga to‘g‘ri keladi.

Hozirgi vaziyatdan kelib chiqib, amaldagi loyihalarni optimallashtirgan holda, mablag‘lar birinchi o‘rinda tibbiyot sohasiga yo‘naltirilmoqda. Xalqaro tashkilotlar bu borada mamlakatimizga ko‘maklashish va mablag‘ ajratishga tayyor ekanini bildirmoqda.

Yig‘ilishda xalqaro moliya institutlari pandemiya bilan kurash uchun sog‘liqni saqlash sohasiga ajratayotgan 277 million dollar miqdoridagi mablag‘larni tez fursatlarda va samarali o‘zlashtirish lozimligi ta’kidlandi.

Islom taraqqiyot banki bilan kelishib, Toshkent viloyati Zangiota tumanida qurilayotgan shifoxona va Yuqori Chirchiq tumanidagi karantin hududini zamonaviy tibbiy texnikalar bilan jihozlash bo‘yicha topshiriqlar berildi.

V Uzbekistane nachnut proizvodit apparati iskusstvennoy ventilyatsii legkix - Sputnik O‘zbekiston
O‘zbekistonda o‘pkaning sun’iy ventilyatsiyasi apparatlari ishlab chiqariladi

Osiyo infratuzilma investitsiyalari banki va Jahon bankidan qo‘shimcha mablag‘lar jalb etib, tibbiy va ijtimoiy sohalarga yo‘naltirish bo‘yicha ko‘rsatma berildi.

Pandemiya sharoitida tadbirkorlik, kichik va o‘rta biznesni qo‘llab-quvvatlash uchun 700 million dollar jalb qilish ko‘zda tutilmoqda.

Davlat rahbari bu mablag‘larni, birinchi navbatda, meva-sabzavotchilik, oziq-ovqat sanoati va eksportni rag‘batlantirishga yo‘naltirish zarurligini ta’kidladi.

Yangiliklar lentasi
0