TOSHKENT, 3 apr - Sputnik. AQSH, YEI, Buyuk Britaniya, Ukraina va Gruziya BMT Bosh assambleyasida Rossiya tomonidan mamlakatlarning koronavirus bilan kurashishiga halaqit beruvchi bir tomonlama sanktsiyalarni bekor qilishga chaqiruvchi rezolyutsiya loyihasini qabul qilinishiga toʻsqinlik qilishdi, deb xabar beradi RIA Novosti Rossiya elchixonasiga tayanib.
Avvalroq Rossiya Bosh assambleyaga koronavirus bilan kurashda birdamlik Deklaratsiyasini qabul qilishni taklif qilgan edi. Hujjat JSSTning pandemiyaga qarshi kurashdagi yetakchiligini tan oladi. Matnga koʻra, davlatlar oʻzaro va JSST bilan hamkorlik qilishga, shu jumladan COVID-19 tarqalishi va davolashga qarshi kurash usullarini ishlab chiqishga kelishib olishadi. Bundan tashqari, hujjat mamlakatlardan eng koʻp zarar koʻrgan davlatlarga, ayniqsa rivojlanayotgan mamlakatlarga yordam berishni, savdo urushlarini va BMT Xavfsizlik Kengashini chetlab oʻtib qabul qilingan bir tomonlama sanktsiyalarni qoʻllashdan toʻxtatishga chaqirgan. BMTga aʼzo yana 28 davlat ushbu deklaratsiyaga hammualliflik qilishdi.
"Maʼlumki, biz taqdim etgan hujjatning konsensusli qabul qilinishi amalga oshmadi. Bunga Ukraina, Gruziya, Buyuk Britaniya, AQSH va YEI toʻsqinlik qildi. Biz sanktsiyalar siyosatining apologetlari kichik guruhi BMT Bosh kotibining murojaatiga javob berishga tayyor emasligi va oʻzlarining siyosiy manfaatlari va yondoshuvlaridan voz kecha olmaganliklaridan afsusdamiz”, - deyiladi sharhda.
"Natijada yangi pandemiya xavfiga global va qatʼiy javob berish yanada qiyin boʻladi. Ayniqsa rivojlanayotgan mamlakatlarda juda koʻp odamlar azob chekishi mumkin", - deyiladi unda.
Sharhda aytilishicha, Moskva YEI, AQSH va Buyuk Britaniyaning Deklaratsiya loyihasiga toʻsiq yaratish uchun mantiq va tushuntirishlarni yozma ravishda tinglashni va koʻrishni xohlaydi. "Shu bilan birga, biz Ukraina va Gruziyani ushbu harakatlardan xalos etishni istardik va xursand boʻlardik, chunki ularning mulohazalari odatdagidek takabbur va siyosiylashtirilgan boʻlib, aksariyat aʼzo davlatlarni tushunishi uchun hech narsa bermaydi", - deya taʼkidlaydi vakolatxona.
Rossiya tomonidan taklif qilingan Deklaratsiyani kichik bir guruh davlatlar toʻsib qoʻygan boʻlishiga qaramay, Rossiya tomoni ushbu masalada hamfikr mamlakatlar bilan muvofiqlashtirishni davom ettiradi, deyiladi sharhda.
Moskva barcha manfaatdor davlatlar unga qoʻshilishini kutmoqda.
Rossiya va dunyodagi COVID-19 bilan bogʻliq soʻnggi maʼlumotlar stopkoronavirus.rf portalida keltirilgan.
