TOShKENT, 1 apr - Sputnik. AQSh prezidenti Donald Tramp, AQSh, Rossiya va Saudiya Arabistoni neft sanoatini qo‘llab-quvvatlash maqsadida neftning jahon narxlarini ko‘tarishni muhokama qilishini aytdi, deb xabar beradi RIA Novosti.
"Ular (Rossiya va Saudiya Arabistoni - tahr.) yig‘ilishni rejalashtirmoqda, biz hammamiz nima qilishimiz mumkinligini baholash uchun yig‘ilishni rejalashtirmoqdamiz. Chunki siz sanoatni yo‘qotishni xohlamaysiz. Bu minglab va minglab ish o‘rinlari", - dedi Amerika yetakchisi matbuot anjumanida.
U neft narxining pastligi, bir tomondan, Amerika aviakompaniyalariga yordam berishini, ikkinchi tomondan Amerika neft sanoatiga zarar yetkazishini tan oldi.
"Bu ikki mamlakat muhokama qilmoqda (ushbu masalani - tahr.). Agar kerak bo‘lsa, men qo‘shilaman", - deb qo‘shimcha qildi Tramp.
Uning ta’kidlashicha, uning Rossiya prezidenti Vladimir Putin va Saudiya Arabistoni valiahd shahzodasi Muhammad bin Salmon bilan "suhbati yaxshi kechgan".
Mart oyining boshidan beri koronavirusning avj olishi natijasida bozor talabining pasayishi va OPEK+ kelishuvlari o‘z kuchini yo‘qotgani sharoitida neft narxi deyarli ikki baravar pasaygan. 6-mart kuni alyans mamlakatlari bitim parametrlarini o‘zgartirish yoki uni uzaytirish to‘g‘risida kelisha olmadilar.
Xususan, Rossiya mavjud sharoitlarni saqlab qolishni, Saudiya Arabistoni esa qazib olishni yanada pasaytirishni taklif qildi. Natijada 1-apreldan boshlab sobiq ittifoq a’zo mamlakatlarida ishlab chiqarishga qo‘yilgan cheklovlar olib tashlandi.
Shu bilan birga, ommaviy axborot vositalari OPEK+ muzokaralari muvaffaqiyatsiz tugaganidan keyin ishlab chiqaruvchilarning narxlar urushi boshlanganligi haqida yozishni boshladilar. Bunda, Reyter agentligi Saudiya Arabistoni o‘z neftini arzonroq narxda taklif qilib, yirik bozorlardan Rossiya neftini siqib chiqarishga harakat qilayotganini xabar qildi.
Shu bilan birga, qirollik apreldan neft yetkazib berish hajmini kuniga 12,3 million barrelga zahiralari hisobiga oshirishni rasman e’lon qildi, bu kuniga ishlab chiqarish hajmidan 300 ming barrelga ko‘pdir.
Rossiya prezidenti matbuot kotibi Dmitriy Peskovning ta’kidlashicha, Rossiya va Saudiya Arabistoni o‘rtasida o‘zaro narxlar urushi kechmayapti, ammo dunyoda noqulay vaziyat yuzaga kelgan.
