TOSHKENT, 1 apr — Sputnik. Tojikistondagi Butunjahon sogʻliqni saqlash tashkiloti (BSST) vakili Galina Perfilyeva mamlakatda koronavirus yoʻqligini rasmiy ravishda maʼlum qildi. Bu haqda Sputnik Tojikiston xabar qildi.
Perfilyeva gigiyena qoidalariga qatʼiy rioya qilish zarurligini taʼkidlab, aholi gavjum joylarga bormaslikni soʻradi.
“Bugungi kungacha, rasmiy statistik maʼlumotlarga koʻra, PTSR-test oʻtkazadigan laboratoriya bilan yaqindan hamkorlikda ishlayotganimiz sababli, Tojikistonda COVID-19 (koronavirus) bilan kasallanishning bironta “ijobiy” holati qayd etilmagan”, - dedi Perfilyeva.
U ayni vaqtda butun dunyo koronavirus bilan keskin kurash olib borayotgani, virus qayd etilmagan mamlakat deyarli qolmaganini alohida taʼkidladi.
JSST vakilining soʻzlariga koʻra, hozircha Tojikiston va Turkmaniston virus hujum qila olmagan ikkita davlatdir. Tojikistonda 700 tadan ortiq test oʻtkazilib, kasallik qayd etilmadi. Mamlakatda test-tizimlarning yetarli miqdorda zaxirasi borligi, kasallik alomatlari boʻlgan kishilar faqat testdan oʻtkazilmoqda.
