TOShKENT, 31 mar - Sputnik. O‘zbekistonda koronavirus infeksiyasi aniqlangan shaxslar soni 5 taga oshdi va ayni vaqtda 172 nafarni tashkil etmoqda.
Eslatib o‘tamiz, mamlakat sog‘liqni saqlash vazirligi ma’lumotiga ko‘ra, bugun koronavirus infeksiyasiga chalingan bemorlardan yana biri butunlay sog‘ayib, reabilitatsiyaga kuzatilgan. Ushbu fuqaro, avval xabar qilganimizdek, joriy yil 14-mart kuni London – Toshkent yo‘nalishidagi reys bilan poytaxtga kelgan. 16-mart kuni unda koronavirus kasalligi aniqlangan.
O‘tgan vaqt davomida u Virusologiya ilmiy-tekshirish instituti klinikasida to‘liq davolangan.
Ayni paytgacha ushbu kasallikdan sog‘ayganlar soni O‘zbekistonda 8 nafarga yetdi.
31 mart sanasiga qadar koronavirusni aniqlash bo‘yicha 22 mingdan ortiq test o‘tkazilgan.
