TOShKENT, 31 mar - Sputnik. O‘zbekistonda koronavirus infeksiyasiga chalinganlar soni 9taga oshib, 167 nafarni tashkil qilmoqda, deb xabar berdi Sog‘liqni saqlash vazirligi.
Sal oldin, infeksiya bilan xastalanganlar soni 158 nafar ekanligi va fuqarolarning 92 nafari (shundan 7 nafari sog‘aygan, bir nafari vafot etgan) poytaxtdagi Virusologiya ilmiy-tekshirish instituti klinikasida, qolgan 66 nafari (shundan bir nafari vafot etgan) qator viloyatlardagi shifoxonalarda muolaja olishayotgani haqida xabar bergan edik.
Eslatib o‘tamiz, ayni vaqtga qadar COVID-19ni yuqtirgan kishilar soni dunyo bo‘yicha 786 mingdan oshdi, 38 mingga yaqini vafot etdi, 165 mingdan ziyodi sog‘aydi.
