TOShKENT, 24 mar - Sputnik. Bugun Qirg‘iziston prezidenti Sooronbay Jeenbekov favqulodda holat joriy etish to‘g‘risidagi uchta farmonga imzo chekdi.
Favqulodda holat joriy yilning 25-martidan 15-apreliga qadar Bishkek, O‘sh, Jalolobod shaharlari, O‘sh viloyatining Novqat, Qorasuv tumanlari va Jalolobod viloyatining Suzak tumanida joriy etiladi.
Barcha farmonlarda favqulodda vaziyatning paydo bo‘lishi sabablari, komendantlarni tayinlash shuningdek, fuqarolarning huquqlarini cheklashdan tashqari, davlat organlariga topshiriqlar berilgan.
Komendant koronavirus infeksiyasining tarqalishining oldini olish, xavfsizlikni ta’minlash, fuqarolarning hayoti va sog‘lig‘ini himoya qilish uchun o‘zlariga tegishli bo‘lgan hududda keng ko‘lamli choralar ko‘rishi kerak.
Sog‘liqni saqlash vazirligi, Ichki ishlar vazirligi, Milliy xavfsizlik davlat qo‘mitasi, Qurolli Kuchlar Bosh shtabi, boshqa jalb qilingan davlat tuzilmalari va mahalliy o‘zini o‘zi boshqarish organlari komendantga xavfsizlikni ta’minlash, fuqarolarning hayoti va sog‘lig‘ini himoya qilish, shuningdek, COVID -19 ning mamlakatning boshqa hududlarida tarqalishining oldini olishda har tomonlama yordam ko‘rsatishlari kerak.
Oliy sud fuqarolik, jinoiy, ma’muriy ishlar, huquqbuzarlik to‘g‘risidagi ishlarning hududiy yurisdiksiyasini, shuningdek ushbu hududlardagi sudgacha bo‘lgan ish materiallarini favqulodda holat mobaynida o‘zgartirish huquqiga ega.
Bosh prokuraturaga quyidagilar belgilandi:
- farmonda belgilangan chora-tadbirlar va muddatlarning bajarilishida qonunlarga rioya etilishi ustidan nazoratni ta’minlaydi;
- favqulodda holat davrida ushbu hududlarda tergov ostida bo‘lishlik holatini o‘zgartirish huquqini berish.
Favqulodda holat paytida ommaviy axborot vositalari vaziyatni keskinlashtirmaslik uchun komendant tomonidan taqdim etilgan ma’lumotlarni tarqatishlari kerak.
Farmonlar imzolangan kundan boshlab kuchga kiradi.
Qirg‘izistonda koronavirus
Respublikada jami 16 ta koronavirus infeksiyasi bilan kasallanish holati qayd etildi: Jalolobod viloyatining Suzok tumanida sakkizta, O‘sh viloyatining Novqat tumanida beshta, shu viloyatning Botken tumanida bitta va Bishkek shahrida ikkita.
Avvalroq favqulodda holat rejimi Novqat, Suzak va Batken tumanlarida e’lon qilingan edi. O‘sh va Jalolobodda boshqa tumanlar aholisining kirishi yopildi. Bishkekda 12 ta sanitariya posti o‘rnatildi.
Qirg‘izistonda chet el fuqarolarining kirishi cheklangan, ommaviy tadbirlar taqiqlandi. Kiyim-kechak bozorlari va do‘konlar yopildi, shu jumladan umumiy ovqatlanish joylari ham.
