TOSHKENT, 15 mar - Sputnik. Oʻzbekistonda Navroʻz umumxalq sayllari oʻtkazilmaydi. Bu haqda Oʻzbekiston Bosh vaziri Abdulla Aripov tomonidan shoshilinch oʻtkazilgan yigʻilishda maʼlum qilingan.
Yigʻilishdan jurnalistlarga maʼlum qilinishicha, Oʻzbekistonda Navroʻz umumxalq sayllari oʻtkazilmaydi. Shuningdek, ommaviy marosimlar, jumladan, uloq-koʻpkari, kurash va boshqa odamlar koʻp toʻplanadigan tadbirlar vaqtincha bekor qilinadi.
Eslatib oʻtamiz, sal oldin 2020 yilning 16 mart kunidan Oʻzbekistondagi barcha umumtaʼlim maktablari oʻquvchilari uchun taʼtil eʼlon qilinishi haqida xabar bergan edik.
Bugun erta tongda 1 nafar Oʻzbekiston fuqarosida koronavirus infektsiyasi aniqlangani haqida xabar tarqalgan edi.
