TOShKENT, 27 fev – Sputnik. Turk qo‘shinlari Suriya hukumat armiyasi va Rossiya samolyotlarining Idlib viloyatidagi pozitsiyalarini bombardimon qilmoqda. Bu haqda RIA Novosti "Rossiya 24" telekanali reportajiga asosan xabar qildi.
Telekanalning ma’lumotiga ko‘ra, Anqara harakatlari ikkita turk harbiysi halok bo‘lgan aviazarbaga javoban bo‘ldi. Daily Sabah gazetasi yozishicha, yana ikkita harbiy xizmatchi yaralandi. Hujumni kim tomonidan amalga oshirilganiga aytilmagan.
“Suriya armiyasini tom ma’noda – o‘zining va Rossiya aviatsiyasi qutqarmoqda. Suriya havo kuchlari va Rossiya havo kuchlari samolyotlari jangarilarni qayta-qayta to‘xtatmoqda”, - deydi VGTRK burosining Yaqin Sharq va Shimoliy Afrikadagi rahbari Yevgeniy Poddubniy.
Uning so‘zlariga ko‘ra, turk kuchlari va jangarilari faol ravishda PZRK qo‘llamoqda. Rossiya va Suriya samolyotlari zarbalardan himoyalanish uchun issiqlik tuzoqlaridan foydalanmoqda.
Jangovar harakatlar episentri Nayrab, Saan va Jubas qishloqlarida joylashgan.
Avvalroq Suriyaning SANA davlat agentligi jangarilar turk armiyasi ko‘magida Idlib viloyatidagi Sarakib shahri hududida hujumni boshlagani xabar qilgan edi. Terrorchilar o‘nlab xudkushlarni va minalashtirilgan mashinalarni jalb qilishgan. Suriya hukumati qo‘shinlari artilleriya yordamida o‘qqa tutmoqda.
Bundan tashqari, RIA Novosti xabar qilishicha, Idlibda amalga oshirilgan havo hujumi natijasida 33 nafar turk askari halok bo‘ldi va 36 kishi yaralandi.
Anqara Suriya hukumat kuchlari pozitsiyalariga quruqlik va havo hujumlari boshlanganini e’lon qildi.
"27 fevral kuni Suriya qo‘shinlari Behun aholi punkti yaqinidagi Idlib zonasida joylashgan terrorchilarga qarata aviazarba berdi, u yerda turk harbiylariga bo‘lishi kerak emas edi", - deb ta’kidlashdi Rossiya Mudofaa vazirligi.
