NATOning Ukrainani alyansga qo‘shishga urinishlari Ukraina muammolari bilan bog‘liq emas va Minsk kelishuvlarini amalga oshirishdagi harakatlarga putur yetkazadi, dedi Rossiya Tashqi ishlar vaziri Sergey Lavrov.
"NATOning Ukraina muammolari bilan hech qanday aloqasi yo‘q, faqatgina bu muammolarni yanada kuchaytirishi mumkin, doimiy ravishda, Ukrainani o‘z saflariga quchoq ochib kutayotganligini ta’kidlab kelmoqda, bu vaziyatni yanada og‘irlashtirmoqda va Minsk kelishuvlarini amalga oshirish borasidagi sa’y-harakatlarni susaytirmoqda", - dedi Lavrov Munxen xavfsizlik konferensiyasi natijalari bo‘yicha bo‘lib o‘tgan matbuot anjumanida.
Tashqi ishlar vaziri, shuningdek, Moskva Fransiya prezidentining Rossiya bilan muloqot zarurligi haqidagi so‘zlari "NATOning boshiga kirishi"ga umid qilayotganini ta’kidladi. Shundagina uning kasal yoki sog‘lomligini tushunish mumkin bo‘ladi, dedi Lavrov.
"Bizning NATOdagi hamkasblarimiz, ular Rossiya bilan muloqotga tayyor ekanliklarini bildirganlarida hiyla qilishmoqda. Ular aloqaga tayyorligini ta’kildashadi, ammo bu aloqa bizga, ayniqsa Ukraina bo‘yicha, bizga qarshi da’volarni keltirishni nazarda tutadi. Ular hozirda keng targ‘ib qilayotgan Rossiya-NATO kengashi bir marta ham bizga Ukraina muammolarini ko‘rib chiqishga majbur qiladigan ultimatumlarsiz o‘tmagan”, - dedi Lavrov, RIA Novosti uning so‘zlaridan iqtibos keltiradi.
Tashqi ishlar vaziri Shimoliy Atlantika alyansi Rossiya Federatsiyasi bilan barcha turdagi, shu jumladan Afg‘onistondagi terrorizmga qarshi kurash, yanada kengroq global miqyosda terrorizmga qarshi kurash va boshqa sohalardagi hamkorlikni to‘xtatganini eslatdi.
Shuningdek, NATO va Rossiya harbiy mashqlarining yaqinlashish liniyasidan kelishilgan masofaga olib chiqilishi to‘g‘risida kelishish to‘g‘risidagi Moskvaning taklifiga alyans tomonidan hech qanday javob bo‘lmadi. NATO Boltiqbo‘yi xavfsizligi masalasini hal qilish urinishlariga e’tiborsizlik qildi, deya qo‘shimcha qildi vazir.
"Bunday sharoitda, albatta, biz Makronning bir necha bor aytgan fikrlari NATOning boshiga kirishini va biz bu orqali uning kasal yoki sog‘lom ekanligini tushunishimizni juda istardik", - deya xulosa qildi Lavrov.
Avvalroq Sputnik radiosi Makron Yevropa va Rossiya Federatsiyasi o‘rtasidagi muloqotning muhimligini ta’kidlagani haqida xabar bergan edi.
