TOShKENT, 29 yanv – Sputnik. Rossiya prezidenti Vladimir Putin mamlakatda 2019-nCoV koronavirus tarqalishining oldini olish bo‘yicha barcha zarur choralarini amalga oshirish yuzasidan hukumat, Sog‘liqni saqlash vazirligi va Rospotrebnadzorga topshiriq berdi. RIA Novosti xabariga asosan.
“Biz dunyoning deyarli barcha mamlakatlarda, shu jumladan mamlakatimizda, har yili pnevmaniya va gripp bilan kasallanish oqibatida odamlarni yo‘qotmoqdamiz, shuning uchun bu yo‘qotishlarni minimallashtirish bo‘yicha umumiy vazifa turibdi, bu holatlar bo‘lmasligi uchun hamma narsa qilishimiz kerak. <...> Yangi koronavirusga kelsak, uning o‘ziga xos xususiyati shundaki, bu yangi hodisa, va bu chaqiriqqa qanchalik tayyormiz”, - dedi prezident yig‘ilishda.
Bundan avval bosh vazir Mixail Mishustin koronavirusga qarshi tezkor shtab a’zolari tarkibini tasdiqlagandi.
Koronavirus 2019-nCoV
Dekabr yakunida Xitoy hukumati Xubey provinsiyasi markazi bo‘lgan Uxan shahrida noma’lum pnevmoniya tarqalishi haqida xabar qilingandi.
Keyinchalik, kasallik qo‘zg‘atuvchisi koronavirus 2019-nCoV ekani aniqlandi. Bemorlarning soni tez fursatda oshmoqda. So‘nggi ma’lumotlarga ko‘ra, 6 mingdan ortiq kishida kasallanish holatlari tasdiqlandi, 132 kishi vafot etdi, 104 kishi tuzaldi.
Eng qiyin vaziyat – Xitoyda, biroq Janubiy Koreya, Yaponiya, Kambodja, Tailand, Kanada, Vyetnam, Singapur, Nepal, Avstraliya, Malayziya, Germaniya, Shri-Lanka, Tayvan, Fransiya va AQShda ham ushbu virus bilan kasallanganlar aniqlangan.
