TOShKENT, 15 yanv – Sputnik. MIB Yangiyo‘l tuman DSI foydasiga 1 kunda 645 mln. so‘m undirib berdi. Bu haqda Respublika Majburiy ijro burosining axborot xizmati ma’lum qilmoqda.
Ma’lum bo‘lishicha, Zangiota tumanlararo iqtisodiy sudining ijro varaqalariga asosan qarzdor “Jo‘rabek Agroinvest qo‘shuv” MChJdan Yangiyo‘l tuman DSI foydasiga soliq qarzi va davlat boji undirish to‘g‘risidagi ijro hujjatlari bo‘lim ish yurituviga kelib tushgan.
Shunga ko‘ra joriy yil 14-yanvar kuni, Majburiy ijro burosining Yangiyo‘l tumani bo‘limi xodimlari tomonidan ijro harakatlari olib borilgan.
Natijada qarzdor “Jo‘rabek Agroinvest qo‘shuv” MChJdan soliq qarzdorligi va davlat bojlari hamda ijro yig‘imi uchun 645 mln. so‘m naqd pul mablag‘lari undirilgan.
