TOShKENT, 6 yanv — Sputnik. MSK Oliy Majlis Qonunchilik palatasi deputatligiga nomzodlar uchun takroriy ovoz berish natijalarini e’lon qildi.
Kuni kecha, 5-yanvar kuni Oliy Majlisi Qonunchilik palatasiga saylov o‘tkazuvchi 25 ta saylov okrugidagi 1 730 ta saylov uchastkasida takroriy ovoz berish o‘tkazildi.
Ushbu saylov uchastkalarida 3,14 milliondan ortiq saylovchi ro‘yxatga olingan edi — ulardan salkam 2 millioni (62,8 foizi) takroriy ovoz berishda qatnashgan.
Oliy Majlis Qonunchilik palatasi deputatlari to‘liq shakllandi. Unda siyosiy partiyalar quyidagi miqdorda deputatlik o‘rinlariga ega bo‘ldi:
1. O‘zLiDeP - 53 (35 %)
2. “Milliy tiklanish” - 36 (24 %)
3. “Adolat” SDP - 24 (16%)
4. Xalq demokratik partiyasi - 22 (15%)
5. Ekologik partiya - 15 (10%).
