TOShKENT, 3 dek – Sputnik. AQSh Pentagoni tomonidan Lockheed Martin korporatsiyasiga AQSh havo harbiy kuchlari uchun yangi ARRW raketa tayyorlanishi uchun 988,8 million dollar ajratildi.
Raketa tayyorlash ishlari Orlandoda amalga oshiriladi va 2022-yil 31-dekabrda o‘z yakuniga yetkazilishi rejalashtirilgan.
Shartnoma shartlariga ko‘ra, kompaniya yangi loyihani ishlab chiqish, sinovdan o‘tkazish va seriyali ishlab chiqarishni yo‘lga qo‘yishi kerak.
Iyun oyida AQSh HHK ilk bor gipertovushli AGM-183A (ARRW) raketasini muvaffaqiyatli sinovini o‘tkazgandi. Bu raketa B-52 Stratofortress bombardimonchisiga o‘rnatilgan.
Lockheed Martin, boshqa kompaniyalar bilan birgalikda, 2018-yildan beri ARRW taktik gipertovushli raketani ishlab chiqmoqda. O‘sha vaqtda shu maqsadlar uchun 480 million dollar ajratilgandi.
