O‘zbekistonda aholiga chakana bank xizmatlari ko‘rsatish rivojlantiriladi

TOShKENT, 2 dek — Sputnik. O‘zbekiston prezidenti qarori bilan unitar korxona shaklidagi ”O‘zbekiston Respublikasi Tashqi iqtisodiy faoliyat milliy banki” aksiyadorlik jamiyat shaklida qayta tashkil etildi.

Moliya vazirligi va O‘zbekiston Tiklanish va taraqqiyot jamg‘armasi davlat nomidan “Tashqi iqtisodiy faoliyat milliy banki” AJning ta’sischisi hisoblanadi.

Qarorda “Tashqi iqtisodiy faoliyat milliy banki” AJ faoliyatining asosiy vazifalari va faoliyatining yo‘nalishlari belgilandi.

Jumladan, AJ aholiga chakana bank xizmatlari ko‘rsatishni rivojlantiradi, AKTdan foydalangan holda bank xizmatlarining yangi turlarini joriy etadi.