TOSHKENT, 30 noya - Sputnik. Rossiyada 2020 yilga mehnat migrantlarini jalb qilish uchun belgilanadigan kvotalar toʻgʻrisidagi qonun maʼqullandi, deb xabar qilmoqda Rossiya mehnat vazirligi.
"Ijtimoiy-mehnat munosabatlarini tartibga solish boʻyicha uchyoqlama komissiya yigʻilishida 2020 yilga mehnat migrantlarini jalb qilish uchun kvotalarni belgilash boʻyicha qonun loyihasi maʼqullandi", - deyiladi vazirlik xabarida.
Hujjatda 2020 yilda Rossiya mehnat bozorida chet ellik ishchi kuchiga boʻlgan talab aniqlashtirilgan. Kelgusi yilda Rossiya 105 ming mehnat migrantlarini jalb qilishni rejalashtirmoqda.
Bu koʻrsatkich esa 2019 yilgi ehtiyojga koʻra 72,6%ni tashkil etadi, deya aniqlik kiritadi Mehnat vazirligi.
